ମୁମ୍ବାଇ: ମହାରାଷ୍ଟ୍ର ମହାନାଟକ ଏବେ ମହାଅଡୁଆ ଭିତରେ ଫସିଛି । ପ୍ରତି ମୂହୁର୍ତ୍ତରେ କାହାର ବଢୁଛି ଉତ୍କଣ୍ଠା ତ କାହାର କମୁଛି ମନୋବଳ । ମହାରାଷ୍ଟ୍ର ମହାନାଟକର ମହାନାୟକ ସାଜିଛନ୍ତି ସବୁଦଳର ବିଧାୟକ । ଏବେ ବିଧାୟକଙ୍କ ବନବାସ ପାଇଁ ପଞ୍ଚତାରକା ହୋଟଲ ସାଜିଛି ଅଭେଦ୍ୟ ଅରଣ୍ୟ। ହେଲେ ଏହି ପଞ୍ଚତାରକା ହୋଟଲ ବି ସୁରକ୍ଷିତ ନୁହେଁ । ଏହାକୁ ଆଖି ଆଗରେ ରଖି ବାରମ୍ବାର ହୋଟେଲ ବଦଳାଇବାକୁ ପଡୁଛି । ଏହାଭିତରେ ସବୁଠାରୁ ବଡ ଖବର ଆସିଛି । ଏନସିପି ନିଜ ବିଧାୟକମାନଙ୍କୁ ସୁରକ୍ଷା କାରଣରୁ ରେନେସାଁ ହୋଟେଲରୁ ହୋଟଲ ହୃୟାତକୁ ସ୍ଥାନାନ୍ତରିତ କରିଛି ।
ବିଧାୟକ ଚୋରି ଟେନସନ, ଚାଲିଛି ହୋଟେଲ ପରେ ହୋଟେଲ ବଦଳି - ମହାରାଷ୍ଟ୍ରରେ ମୁଖ୍ୟମନ୍ତ୍ରୀ ରେସ
ରବିବାର ମୁମ୍ବାଇର ରେନେସାଁ ହୋଟଲରୁ ମୁମ୍ବାଇର ଅନ୍ୟ ଏକ ହୋଟଲ ହୃୟାତକୁ ସ୍ଥାନାନ୍ତରିତ ହୋଇଛନ୍ତି ଏନସିପି ବିଧାୟକ । ଅନ୍ୟପଟେ କଂଗ୍ରେସ ନେତା ଅହମଦ ପଟେଲ ନିଜ ବିଧାୟକମାନଙ୍କୁ ଜେଡବ୍ଲୁ ମାରିୟଟ ହୋଟେଲରେ ଭେଟିବା ପାଇଁ ପହଞ୍ଚିଛନ୍ତି । ଅଧିକ ପଢନ୍ତୁ...
ଫାଇଲ ଫଟୋ
ସୂଚନା ଅନୁସାରେ ରବିବାର ମୁମ୍ବାଇର ରେନେସାଁ ହୋଟେଲରେ ହଙ୍ଗାମା କରିଛନ୍ତି ଏନସିପି ବିଧାୟକ। ସାଧା ପୋଷାକରେ ପୋଲିସ କର୍ମୀ ବୁଲୁଥିବା ଦେଖି ଏନସିପି ବିଧାୟକ କ୍ରୋଧିତ ହୋଇଛନ୍ତି । ପରେ ପୋଲିସ ଓ ବିଧାୟକଙ୍କ ମଧ୍ୟରେ କିଛି ସମୟ ପାଇଁ ବଚସା ହୋଇଥିବା ଜଣାଯାଇଛି । ଏବେ ସମସ୍ତ ବିଧାୟକଙ୍କୁ ମୁମ୍ବାଇର ଅନ୍ୟ ଏକ ହୋଟଲ ହୃୟାତକୁ ସ୍ଥାନାନ୍ତରିତ କରାଯାଇଛି ।
ଅନ୍ୟପଟେ କଂଗ୍ରେସ ନେତା ଅହମଦ ପଟେଲ ନିଜ ବିଧାୟକମାନଙ୍କୁ ଜେଡବ୍ଲୁ ମାରିୟଟ ହୋଟେଲରେ ଭେଟିବା ପାଇଁ ପହଞ୍ଚିଛନ୍ତି । ତାଙ୍କ ସହ ଅଶୋକ ଚୌହାନ, ବାଲାସାହେବ ଥୋରାଟ, ସୁଶୀଲ କୁମାର ସିନ୍ଦେ ଓ ମଲ୍ଲିକାର୍ଜୁନ ଖଡଗେ ପ୍ରମୁଖ ହୋଟଲେ ପହଞ୍ଚିଛନ୍ତି ।