ନୂଆଦିଲ୍ଲୀ: ଦିଲ୍ଲୀ ଏନସିଆରର କିଛି ଅଂଶରେ ସକାଳୁ ପ୍ରବଳ ବର୍ଷା ହୋଇଥିବା ଦେଖିବାକୁ ମିଳିଛି । ଭାରତୀୟ ପାଣିପାଗ ବିଭାଗ ଅନୁଯାୟୀ ରାଜଧାନୀରେ ପ୍ରବଳ ବର୍ଷା ସହିତ ବଜ୍ରପାତ ହୋଇଛି । ଏହାସହ ଆଇଏମଡି ମଧ୍ୟ ପୂର୍ବାନୁମାନ କରିଛି ଯେ ଦିଲ୍ଲୀରେ ମଧ୍ୟମ ବର୍ଷା ସହିତ ମେଘୁଆ ଆକାଶ ଦେଖିବାକୁ ମିଳିବ ।
ରବିବାର ସକାଳେ ଆଇଏମଡି ଟ୍ବିଟ କରି କହିଛି ଯେ, ବର୍ଷା ଏବଂ ପବନର ବେଗ 20-50 KMPH ସହିତ ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳରେ ଜାରି ରହିବ। ଗତ ସପ୍ତାହେ ଧରି ଦିଲ୍ଲୀରେ ପ୍ରବଳ ଗରମ ଅନୁଭୂତ ହେଉଥିବାବେଳେ ଦିଲ୍ଲୀ-ଏନସିଆର ବାସୀଙ୍କୁ ବର୍ଷା ଏବେ ଏକ ପ୍ରକାର ଆରାମ ଦେଇଛି ।