ନୂଆଦିଲ୍ଲୀ: ଭାରତୀୟ ସେନାରେ ବିଦ୍ରୋହକୁ ନେଇ ଏକ ବଡ ବୟାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେନାର ଦେଶପ୍ରେମକୁ ସାଲ୍ୟୁଟ କରିବା ସହ ଏହା କେବେ ମଧ୍ୟ ଦେଶ ବିରୋଧରେ ଯିବ ନାହିଁ ବୋଲି କହିଛନ୍ତି । ଏହା ପାକିସ୍ତାନର ସେନା ନୁହେଁ ବୋଲି ମୋଦି କହିଛନ୍ତି ।
ରବିବାର ଦକ୍ଷିଣ ଭାରତର ବିଭିନ୍ନ ରାଜ୍ୟରେ ଅନେକ ସାଧାରଣ ସଭାକୁ ସମ୍ବୋଧନ କରିବା ଅବସରରେ ଏପରି ମନ୍ତବ୍ୟ ଦେଇଛନ୍ତି ପ୍ରଧାନମନ୍ତ୍ରୀ । ୨୦୧୧-୧୨ରେ ୟୁପିଏ ସରକାରଙ୍କ ଅମଳରେ ଭାରତୀୟ ସେନା ବିଦ୍ରୋହ ଯୋଜନା କରିଥିବା ଏକ ଖବର କେତେକ ଗଣମାଧ୍ୟମରେ ପ୍ରକାଶ ପାଇଥିଲା । ଭାରତୀୟ ସେନାର ଦୁଇଟି ୟୁନିଟ ରାଜଧାନୀ ଦିଲ୍ଲୀ ଆଡକୁ ଅଗ୍ରସର ହେଉଥିବା ଏହି ଖବରରେ ପ୍ରଚାର ହୋଇଥିଲା । ତତ୍କାଳୀନ ସେନାମୁଖ୍ୟ ଜେନେରାଲ ଭିକେ ସିଂହଙ୍କ ସହ ସରକାରଙ୍କ କେତେକ ବିବାଦ ଚାଲିଥିବାରୁ ଏପରି ଖବର ପ୍ରକାଶ ପାଇଥିଲା ।