ନାରଦ ଷ୍ଟିଙ୍ଗ ମାମଲା: ମୁକୁଲ ରାୟଙ୍କ ଘରେ ପହଞ୍ଚିଲା ସିବିଆଇ

ନାରଦ ଷ୍ଟିଙ୍ଗ ଅପରେସନ ମାମଲାରେ ବିଜେପି ନେତା ମୁକୁଲ ରାୟଙ୍କ ଘରେ ପହଞ୍ଚିଲା ସିବିଆଇ । ପୂର୍ବରୁ ଏହି ମାମଲାରେ ଗିରଫ ହୋଇଛନ୍ତି ଆଇପିଏସ ଅଧିକାରୀ ଏସଏମଏଚ ମିର୍ଜା ।

କୋଲକାତା: ପଶ୍ଚିମବଙ୍ଗରେ ଚର୍ଚ୍ଚିତ ନାରଦ ଘୋଟାଲାରେ ସିବିଆଇର ଏକ ଟିମ ବିଜେପି ନେତା ମୁକୁଲ ରାୟଙ୍କ ଘରେ ପହଞ୍ଚିଛି । ମୁକୁଲଙ୍କ ଦକ୍ଷିଣ କୋଲକାତା ବାସଭବନରେ ସିବିଆଇ ପହଞ୍ଚିଥିବା ସୂଚନା । ସିବିଆଇ ଟିମ ନିଜ ସହ ନିଲମ୍ବିତ ଆଇପିଏସ ଅଫିସର ଏସଏମଏଚ ମିର୍ଜାଙ୍କୁ ମଧ୍ୟ ସାଥିରେ ଆଣିଛି ।

ରାୟଙ୍କୁ ସିବିଆଇ ଟିମ ପଚରା ଉଚୁରା କରିବା ସମ୍ଭାବନା ରହିଛି । ସିବିଆଇ ଉଭୟ ମିର୍ଜା ଓ ରାୟଙ୍କୁ ଆମ୍ନାସାମ୍ନା ବସାଇ ଜେରା କରିପାରେ । ଏହାର ଗୋଟିଏ ଦିନ ପୂର୍ବରୁ ସିବିଆଇ ନିଜାମ ପ୍ୟାଲେସରେ ମୁକୁଲଙ୍କୁ ପଚରାଉଚୁରା କରିଥିଲା ।

ସିବିଆଇ ନାରଦ ଷ୍ଟିଙ୍ଗ ଫୁଟେଜ ମାମଲାରେ ଗୁରୁବାର ଆଇପିଏସ ଅଧିକାରୀ ଏସଏମଏଚ୍ ମିର୍ଜାଙ୍କୁ ଗିରଫ କରିଥିଲା ।