ହାଇଦ୍ରାବାଦ: କୋରୋନା ପ୍ରଭାବ ସତ୍ତ୍ବେ କମିନି ଭାରତୀୟ ଶପିଂ ପ୍ରେମୀ ତଥା ଫ୍ୟାସନ ପ୍ରେମୀଙ୍କ ଅନଲାଇନ ଶପିଂ ଚାହିଦା । ଗତ ଶୁକ୍ରବାରଠାରୁ ଲାଇଫଷ୍ଟାଇଲ ରିଟେଲର ମିନ୍ତ୍ରା ଏଣ୍ଡ ଅଫ୍ ରିଜିନ ସେଲ ବା ଫ୍ଲାଗଶିପ ସେଲ ଆରମ୍ଭ ହୋଇଥିବା ବେଳେ ଏହାର ଭାରତୀୟ ଖୁବ ଲାଭ ଉଠାଇଥିବା ଦେଖିବାକୁ ମିଳିଛି । ଏହି ସେଲରେ ନିଜ ମନ ପସନ୍ଦର ଫ୍ୟାସନ ସାମଗ୍ରୀ କିଣିବା ପାଇଁ ଗୋଟିଏ ଦିନରେ ମିନ୍ତ୍ରାରେ 2.5 ଲକ୍ଷ ନୂଆ ଗ୍ରାହକ ଯୋଡି ହୋଇଥିବା ଜଣା ପଡିଛି ।
ଏହି ଫ୍ଲାଗଶିପ୍ ସେଲ୍ର ପ୍ରଥମ 12 ଘଣ୍ଟା ମଧ୍ୟରେ 15 ଲକ୍ଷ ସାମଗ୍ରୀ ବିକ୍ରି ହେଇଥିବା ମିନ୍ତ୍ରା ସୂଚନା ଦେଇଛି । ଏହି ସେଲ୍ ଶୁକ୍ରବାର ମଧ୍ୟରାତ୍ରରୁ ଆରମ୍ଭ ହୋଇ ସୋମବାର ମଧ୍ୟରାତ୍ର ଯାଏଁ ଚାଲିବ ବୋଲି କମ୍ପାନୀ ସ୍ପଷ୍ଟ କରିଛି । ତେବେ କମ୍ପାନୀ ଦ୍ବାରା ଆରମ୍ଭ ହୋଇଥିବା ଏହା 12ତମ ଏଣ୍ଡ ଅଫ୍ ରିଜିନ ସେଲ । ଏହି ସେଲ୍ ସେମାନଙ୍କ ଆଶା ମୁତାବକ ସଫଳତା ପାଇଥିବା କମ୍ପାନୀ ଜଣାଇଛି । ସେପଟେ ଆକର୍ଷଣୀୟ ଅଫର ପାଇଁ ଦିନକୁ ଦିନ ନୂଆ ନୂଆ ଗ୍ରାହକଙ୍କ ସଂଖ୍ୟା ବଢିଚାଲିଥିବା ମଧ୍ୟ ଜଣା ପଡିଛି ।