ମୁମ୍ବାଇ: ମହାରାଷ୍ଟ୍ରର ରାଜଧାନୀ ମୁମ୍ବାଇ ସହରରେ ସର୍ବାଧିକ କୋରୋନା ପଜିଟିଭ ମାମଲା ସାମନାକୁ ଆସିଛି । 5 ହଜାରରୁ ଉର୍ଦ୍ଧ୍ବରେ ପହଞ୍ଚିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏନେଇ ପ୍ରଶାସନ COVID-19 ଆକ୍ରାନ୍ତଙ୍କ ପାଇଁ ମ୍ୟୁନିସିପାଲିଟି ସ୍କୁଲକୁ କ୍ବାରେଣ୍ଟାଇନ ସେଣ୍ଟରରେ ପରିଣତ କରିବାକୁ ଯୋଜନା କରିଛନ୍ତି।
ବୃହନମୁମ୍ବାଇ ମ୍ୟୁନିସିପାଲିଟି କର୍ପୋରେସନ୍ (ବିଏମସି) ର ଅଧିକାରୀମାନେ କହିଛନ୍ତି ଯେ, ଏହା ଅଧୀନରେ ଆସୁଥିବା 1200 ବିଦ୍ୟାଳୟ ମଧ୍ୟରୁ କେତେ ବ୍ୟବହାର କରାଯିବ ସେନେଇ ଏପର୍ଯ୍ୟନ୍ତ ସ୍ଥିର ହୋଇନାହିଁ।
କୋରୋନା ଭାଇରସ ସଙ୍କଟ ଉପରେ ପ୍ରଶାସନର ପ୍ରତିକ୍ରିୟା ସମୀକ୍ଷା କରିବା ପାଇଁ ଗତ ସପ୍ତାହରେ ଏକ କେନ୍ଦ୍ର ସରକାରୀ ଦଳ ମୁମ୍ବାଇ ଗସ୍ତ କରିବା ପରେ କ୍ୱାରେଣ୍ଟାଇନ୍ ସୁବିଧା ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି । ବିଏମସି ଅଧିକାରୀ ହିଛନ୍ତି ଯେ, ବିଦ୍ୟାଳୟଗୁଡ଼ିକ ଏହି ଉଦ୍ଦେଶ୍ୟରେ ଉପଯୁକ୍ତ ଶୌଚାଳୟ ସୁବିଧା ରହିଛି । ହେଲେ ତାହା ବର୍ତ୍ତମାନ ବନ୍ଦ ରହିଛି । ବିଦ୍ୟାଳୟ ବ୍ୟତୀତ ବିଏମସି ସହରର ପ୍ରମୁଖ ପଡ଼ିଆରେ କ୍ବାରେଣ୍ଟାଇନ ସୁବିଧା ସ୍ଥାପନ ଉପରେ ମଧ୍ୟ ଦୃଷ୍ଟି ରଖିଛି।
ଏଥିପାଇଁ ବିଏମସି କମିଶନର ପ୍ରବୀଣ ପରଦେଶୀ ରବିବାର ଗୋରେଗାଓଁରେ ଥିବା ନେସ୍କୋ ପ୍ରଦର୍ଶନୀ ପଡିଆ ପରିଦର୍ଶନ କରି ପ୍ରସ୍ତୁତିର ତଦାରଖ କରିଛନ୍ତି। ନାଗରିକ ସଂସ୍ଥା କହିଛି ଯେ ନେସ୍କୋରେ 1,200 ଶଯ୍ୟା ରଖାଯାଇପାରିବ । କମିଶନରଙ୍କ ଦ୍ୱାରା ଯାଞ୍ଚ କରାଯାଉଥିବା ଅନ୍ୟ ଏକ ସୁବିଧା ହେଉଛି ବାନ୍ଦ୍ରା କୁର୍ଲା କମ୍ପ୍ଲେକ୍ସ (ବି.କେ.ସି) ରେ MMRDA ପ୍ରଦର୍ଶନୀ ପଡିଆ। ଏଠାରେ 3000 ଶଯ୍ୟା ସୁବିଧା ପ୍ରସ୍ତୁତ ହୋଇପାରିବ ।
ଅସାମାଜିକ ଆକ୍ରାନ୍ତଙ୍କୁ କ୍ୱାରେଣ୍ଟାଇନ୍ ସୁବିଧା ଯୋଗାଇବା ପାଇଁ ଏହି କେନ୍ଦ୍ରଗୁଡିକ ନିର୍ମାଣ ପାଇଁ ବିଚାର କରାଯାଉଛି । ସୋମବାର 395ଟି ନୂଆ COVID-19 ମାମଲା ସହିତ ରାଜଧାନୀ ମୁମ୍ବାଇରେ ସଂକ୍ରମିତଙ୍କ ସଂଖ୍ୟା 5,589କୁ ବୃଦ୍ଧି ପାଇଥିବା ବିଏମସି ସୂଚନା ଦେଇଛି। ଏଥିରେ ସହରରେ 15 ଜଣଙ୍କର ମୃତ୍ୟୁ ଘଟିଛି । ଯାହା ବର୍ତ୍ତମାନ ସୁଦ୍ଧା ମୃତ୍ୟୁ ସଂଖ୍ୟା 219 କୁ ପହଞ୍ଚିଛି ।
