ମୁମ୍ବାଇ: ସୋମବାର ମୁମ୍ବାଇର ଏକ ମାଜିଷ୍ଟ୍ରେଟ୍ କୋର୍ଟ 10 ଜଣ ଇଣ୍ଡୋନେସିଆ ଓ 10 ଜଣ କିର୍ଗିଜସ୍ଥାନର ବିଦେଶୀ ଜମାତୀଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି । ଏମାନେ ନୂଆଦିଲ୍ଲୀର ନିଜାମୁଦ୍ଦିନ ଠାରେ ତବଲିଗୀ ଜମାତୀର ଏକ ଧାର୍ମିକ ସମାବେଶରେ ଯୋଗ ଦେଇଥିଲେ । କୋଭିଡ-19 ସମୟରେ ଦିଆଯାଇଥିବା ଗାଇଡଲାଇନକୁ ପାଳନ ନକରିବାରୁ ବିଦେଶୀ ଜମାତୀଙ୍କୁ ଏପ୍ରିଲ 5 ରେ ଦୁଇଟି ପୃଥକ ମାମଲାରେ ଗିରଫ କରାଯାଇଥିଲା।
ମୁମ୍ବାଇ ପୋଲିସ ପ୍ରଥମେ ଚେତବନୀ ଦେଇଥିଲା । ଚେତାବନୀ ମାନି ନଥିବା ଜମାତୀଙ୍କୁ ପୋଲିସ ଗିରଫ କରିଥିଲା । ଏପ୍ରିଲ ପ୍ରଥମ ସପ୍ତାହରେ ଏନେଇ ଡିଏନ ପୋଲିସ ଷ୍ଟେସନରେ ମାମଲା ରୁଜୁ କରାଯାଇଥିଲା । ହତ୍ୟା ଉଦ୍ୟମ ପାଇଁ ଏହି ଗୋଷ୍ଠୀକୁ ଗିରଫ କରାଯାଇଥିଲା। ଏପିଡେମିକ୍ ଅଧିନିୟମ, ଜାତୀୟ ବିପର୍ଯ୍ୟୟ ଆଇନ, ବୈଦେଶିକ ଅଧିନିୟମ ଏବଂ ବମ୍ବେ ପୋଲିସ୍ ଆକ୍ଟ ଅନୁଯାୟୀ ସେମାନଙ୍କୁ ଗିରଫ କରାଯାଇଥିଲା।