ନୂଆଦିଲ୍ଲୀ: ପ୍ରଧାନମନ୍ତ୍ରୀ ପଦ ପାଇଁ ରାହୁଲ ଗାନ୍ଧୀଙ୍କର କୌଣସି ସମ୍ମାନ ନାହିଁ । ଅଣସଂସଦୀୟ ଭାଷା ବ୍ୟବହାର କରିବାରେ ସେ ସମସ୍ତ ସୀମା ପାର କରିଯାଇଛନ୍ତି । ସେ ହେଉଛନ୍ତି କଂଗ୍ରେସ ଗାଳି ଗ୍ୟାଙ୍ଗ୍ର ମୁଖ୍ୟ ବୋଲି କେନ୍ଦ୍ରମନ୍ତ୍ରୀ ମୁଖତାର୍ ଅବ୍ବାସ ନକଭୀ କହିଛନ୍ତି ।
ଆଜି କଂଗ୍ରେସ ଅଧ୍ୟକ୍ଷଙ୍କ ବିରୋଧରେ ନିର୍ବାଚନ ଆୟୋଗ(ଇସି)ଙ୍କ ନିକଟରେ ଫେରାଦ ହୋଇଛି ବିଜେପି । ରାହୁଲ ପ୍ରଧାନମନ୍ତ୍ରୀଙ୍କ ବିରୋଧରେ ବାରମ୍ବାର ଭିତ୍ତିହୀନ ଅଭିଯୋଗ ଆଣୁଥିବାର ଦର୍ଶାଇ ବିଜେପିର ଏକ ପ୍ରତିନିଧି ଟିମ୍ ଇସିଙ୍କ ପାଖରେ ଫେରାଦ ହୋଇଛି । ଏହାପରେ ସାମ୍ବାଦିକଙ୍କୁ ମୁଖତାର୍ କହିଛନ୍ତି ଯେ ରାହୁଲଙ୍କର ସଂସଦୀୟ କ୍ଷେତ୍ର ସମ୍ବନ୍ଧରେ କୌଣସି ସାଧାରଣ ଜ୍ଞାନ ନାହିଁ ।