14 ଲକ୍ଷ ମୂଲ୍ୟର ହାଣ୍ଡିଭର୍ତ୍ତି ରୁପା ମୁଦ୍ରା ଜବତ, ଜଣେ ଗିରଫ

ମଧ୍ୟପ୍ରଦେଶର ୱାଡବାନି ଜିଲ୍ଲାର ଏକ ଲଜ ପଛପଟୁ 27କିଲୋଗ୍ରାମରୁ ଅଧିକ ରୁପାମୁଦ୍ରା ଜବତ ହୋଇଛି । ଯାହାର ମୂଲ୍ୟ 14ଲକ୍ଷରୁ ଅଧିକ ହେବ । ଘଟଣାରେ ଜଣେ ଗିରଫ ।

ଭୋପାଳ: ମଧ୍ୟ୍ୟପ୍ରଦେଶର ବାଡୱାନି ଜିଲ୍ଲା ଇନ୍ଧ୍ରଭବନ ପରିସରରୁ ଏକ ହାଣ୍ଡିଭର୍ତ୍ତି ରୂପା ମୁଦ୍ରା ଜବତ ହୋଇଛି । ଘଟଣାରେ ଜଣଙ୍କୁ ଗିରଫ କରାଯାଇଛି । ଜବତ ମୁଦ୍ରାର ମୂଲ୍ୟ 14 ଲକ୍ଷରୁ ଅଧିକ ହେବ ବୋଲି ଅନୁମାନ କରାଯାଉଛି ।

ଇନ୍ଦ୍ର ଭବନ ପରିସରରେ ଥିବା ଏକ ଲଜର ପଛ ପଟ ଖୋଳିବା ସମୟରେ ଏକ ତମ୍ବା ହାଣ୍ଡିଭର୍ତ୍ତି ଥିବା ରୂପା ମୁଦ୍ରା ପୋଲିସ ଜବତ କରିଛି । ଯାହାର ଓଜନ 27 କିଲୋଗ୍ରାମ 300 ଗ୍ରାମ ରହିଛି । ମୁଦ୍ରା ଗୁଡିକ ପ୍ରାୟ 12ରୁ 17ବର୍ଷ ତଳର ହେବ ବୋଲି ଅନୁମାନ କରାଯାଉଛି । ମିଳିଥିବା ମୁଦ୍ରାରେ ଆରବୀୟ ପାର୍ସୀ ଭାଷା ଲେଖାଥିବାର ଦେଖିବାକୁ ମିଳିଛି । ବଜାରରେ ମୁଦ୍ରାଗୁଡିକର ମୂଲ୍ୟ ପ୍ରାୟ 14 ଲକ୍ଷରୁ ଅଧିକ ହେବ ବୋଲି କହିଛନ୍ତି ପୋଲିସ ଏସଡିଓପି ରୂପରେଖା ୟାଦବ । ଜଣେ ଯୁବକ ଏହି ମୁଦ୍ରାଗୁଡିକୁ ନିଜ ଘରେ ଲୁଚାଇ ଦେଇଥିଲା ।

ତେବେ ରୂପା ମୁଦ୍ରା ସେ ଜାଗାକୁ କିପରି ଆସିଲା ଘଟଣାର ପୋଲିସ ତଦନ୍ତ ଜାରି ରଖିଛି ।