ଭୋପାଳ: ରାସ୍ତା ଉପରେ ଅଟୋ ଚାଳକକୁ ନିର୍ଧୁମ ମାଡ । ମଧ୍ୟପ୍ରଦେଶ ଜବଲପୁର ନିକଟସ୍ଥ ଅଧାରତାଲ ଥାନା ଅନ୍ତର୍ଗତ ଶୋଭାପୁର ଠାରେ ଦୁର୍ଘଟଣା ଘଟିବା ପରେ ଘଟଣାସ୍ଥଳରେ ଥିବା ଜଣେ ବାଇକ ଆରୋହୀ ଅଟୋ ଚାଳକକୁ ମଝି ରାସ୍ତାରେ ମରଣାନ୍ତକ ଆକ୍ରମଣ କରିଥିବା ଜଣାପଡିଛି ।
ତେବେ ମିଳିଥିବା ସୂଚନା ଅନୁସାରେ ଗତ ରବିବାର ଦିନ ଏକ ସ୍କୁଟି ସହ ଅଟୋର ଧକ୍କା ପରେ ଓଲଟି ପଡିଥିଲା । କିନ୍ତୁ ସେହି ସମୟରେ ରାସ୍ତାରେ ଯାଉଥିବା ଅନ୍ୟ ଜଣେ ଯୁବକ ଅଟୋ ଚାଳକକୁ ପ୍ରବଳ ମାଡ ମାରିଥିଲା । ପୋଲିସ ଘଟଣାସ୍ଥଳରେ ପହଞ୍ଚି ମାମଲା ରୁଜୁ କରି ତଦନ୍ତ ଜାରି କରିଛି । ଖୁବ୍ ଶୀଘ୍ର ପୋଲିସ ଅଭିଯୁକ୍ତଙ୍କୁ ଗିରଫ କରିବ ବୋଲି ସୂଚନା ଦେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
