ଚଣ୍ଡିଗଡ଼: ଆପେ ଆପେ ଚାଲୁଛି ହ୍ବିଲ ଚେୟାର । ବିଶ୍ବାସ ନହେଲେ ମଧ୍ୟ ଏହା ସତ । ଘଟଣାଟି ଘଟିଛି ପଞ୍ଜାବର ଚଣ୍ଡିଗଡ଼ ଅଞ୍ଚଳରେ । ଏଠାରେ ନୂତନ ଭାବେ ନିର୍ମାଣ କରାଯାଇଥିବା ଏକ ଡାକ୍ତରଖାନା ସାମ୍ନାରେ ଥିବା ଏକ ହ୍ବିଲ ଚେୟାରଟି ଗଡ଼ିବାକୁ ଲାଗିଥିଲା । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ବେଶ ଭାଇରାଲ ହେବାରେ ଲାଗିଛି ।
ହ୍ବିଲ ଚେୟାର ଗଡ଼ୁଥିବାର ଦୃଶ୍ୟ
ଭାଇରାଲ ଭିଡ଼ିଓଟି ଦୁଇ ତିନ ଦିନର ପୁରୁଣା । ଘଟଣାଟି ବିଳମ୍ବିତ ରାତିରେ ଘଟିଥିଲା । ତେବେ ଡାକ୍ତରଖାନା ଗେଟ ସାମ୍ନାରେ ଏକ ହ୍ବିଲ ଚେୟାର ରହିଥିଲା । ବିଳମ୍ବିତ ରାତିରେ ଚେୟାରଟି ଆପେ ଆପେ ଗଡ଼ିବାକୁ ଆରମ୍ଭ କରିଥିଲା । ଚେୟାରଟି ଆପେ ଆପେ ସିକ୍ୟୁରିଟି ଗେଟ ପର୍ଯ୍ୟନ୍ତ ମଧ୍ୟ ଗଡ଼ି ଯାଉଥିବା ଭିଡ଼ିଓରେ ଦେଖିବାକୁ ମିଳିଛି । ସେହି ସମୟରେ ସୁରକ୍ଷାକର୍ମୀ ଉକ୍ତ ଘଟଣାକୁ ଦେଖିବା ସହିତ ପୁରା ଆଶ୍ଚର୍ଯ୍ୟ ହେବା ସହିତ ଡରି ଯାଇଥିଲା ।