ଅମରାବତୀ: ମା’ର ମମତା ଦୁନିଆରେ ନିଆରା | ଏହା ମଣିଷ କ୍ଷେତ୍ରରେ ହେଉ କିମ୍ବା ପଶୁପକ୍ଷୀଙ୍କ କ୍ଷେତ୍ରରେ ସବୁଠି ସମାନ ଦୃଶ୍ୟ । ଯଦି ନିଜ ପିଲା ସହ କିଛି ଘଟିଯାଏ, ସବୁଠୁ ଅଧିକ ବିଚଳିତ ମା ହୋଇଥାଏ । ଠିକ୍ ଏହିପରି ଏକ ଛୁଆ ମାଙ୍କଡ ବିଦ୍ୟୁତ୍ ତାରରେ ଫସିଯିବା ପରେ ବହୁ କଷ୍ଟରେ ତାକୁ ଉଦ୍ଧାର କରିଥିଲା ମା’ ମାଙ୍କଡ | ଆଉ ତାପରେ ଯାହା ଘଟିଥିଲା ସେଠାରେ ଥିବା ସମସ୍ତେ ଆଶ୍ଚର୍ଯ୍ୟ ହୋଇଯଇଥିଲେ । ନିଜ ଛୁଆକୁ ଆଲିଙ୍ଗନ କରି ଖୁସିରେ ଗଦଗଦ ହୋଇ ପଡିଥିଲା ମା ମାଙ୍କଡ |
ମରଣ ମୁହଁରୁ ନିଜ ଛୁଆକୁ ପାଇ ଆଲିଙ୍ଗନ କଲା ମା ମାଙ୍କଡ
ସୂଚନା ଅନୁଯାୟୀ, ଆନ୍ଧ୍ରପ୍ରଦେଶ କୃଷ୍ଣା ଜିଲ୍ଲା ନନ୍ଦିଗାମା ସହରରେ କିଛି ମାଙ୍କଡ ଏ ଘରୁ ସେ ଘରକୁ ଡେଇଁ ଖେଳୁଥିଲେ | ହଠାତ୍ ଏକ ଛୁଆ ମାଙ୍କଡ ବିଦ୍ୟୁତ୍ ତାରରେ ଫସିଯାଇଥିଲା | ବିଦ୍ୟୁତ ଆଘାତ ଲାଗିବାରୁ ଛୁଆ ମାଙ୍କଡଟି ନିଶ୍ତେଜ ହୋଇଯାଇଥିଲା | କିନ୍ତୁ କିଛି କରିନପାରି କେବଳ ବିକଳ ହୋଇ ନିଜ ଛୁଆକୁ ଚାହିଁ ରହିଥିଲା ମା’।