ପାଟନା: ଭାରତର ଅନ୍ୟ ରାଜ୍ୟ ସମେତ ବିହାରରେ ମଧ୍ୟ କୋରୋନା ସଂକ୍ରମଣ ସଂଖ୍ୟା ବୃଦ୍ଧି ପାଉଛି । ଅନେକ କୋରୋନା ଯୋଦ୍ଧା ମଧ୍ୟ ସଂକ୍ରମଣର ଶିକାର ହୋଇଛନ୍ତି । ସେହି କ୍ରମରେ ରାଜ୍ୟର ସର୍ବବୃହତ ଡାକ୍ତରଖାନା ପାଟନା ମେଡିକାଲ କଲେଜ ଏବଂ ହସ୍ପିଟାଲ(PMCH)ରେ 3 ଜଣ ଡାକ୍ତରଙ୍କ ବ୍ୟତୀତ 2 ଜଣ ନର୍ସ ମଧ୍ୟ କୋରୋନା ପଜିଟିଭ ଥିବା ଜଣାପଡିଛି।
ବିହାର ସିଏମଙ୍କ ଗୃହ କାର୍ଯ୍ୟାଳୟରେ ପଶିଲା କୋରୋନା, 80 ପଜିଟିଭ
ବିହାରର ପାଟନା ମେଡିକାଲ କଲେଜ ଏବଂ ହସ୍ପିଟାଲରେ ସମୁଦାୟ 44 ଜଣ କୋରୋନା ସଂକ୍ରମଣ ଥିବାବେଳେ, ମୁଖ୍ୟମନ୍ତ୍ରୀଙ୍କ ଗୃହ କାର୍ଯ୍ୟାଳୟରେ 80 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଅଧିକ ପଢନ୍ତୁ...
ବିହାର ସିଏମଙ୍କ ଆବାସ ଗୃହରେ 80ରୁ ଉର୍ଦ୍ଧ୍ବ କୋରୋନା ପଜିଟିଭ
ଏହା ସହିତ ପିଏମସିଏଚରେ କୋଭିଡ ପଜିଟିଭ କର୍ମଚାରୀଙ୍କ ସଂଖ୍ୟା 44କୁ ବୃଦ୍ଧି ପାଇଛି । ଏଥି ସହିତ, ପାଟନା ଏମ୍ସର ଜଣେ ନର୍ସ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ବର୍ତ୍ତମାନ ସୁଦ୍ଧା ପାଟନା ଏମ୍ସରେ 8 ଜଣ କର୍ମଚାରୀ ସଂକ୍ରମିତ ହୋଇଛନ୍ତି । ଅନ୍ୟପଟେ ବିହାରର ମୁଖ୍ୟମନ୍ତ୍ରୀ ନୀତିଶ କୁମାର ଗୃହ କାର୍ଯ୍ୟାଳୟରେ କୋରୋନା ଭାଇରସ ସଂକ୍ରମଣ ବୃଦ୍ଧି ପାଇବାରେ ଲାଗିଛି । ବର୍ତ୍ତମାନ ଏଠାରେ 80ରୁ ଅଧିକ ଲୋକ କୋରୋନାରେ ଆକ୍ରାନ୍ତ ହୋଇଛନ୍ତି। ସୂଚନାନୁସାରେ, ସିଏମ ବାସଭବନର କ୍ୟାଣ୍ଟିନରେ ନିଯୁକ୍ତ ଥିବା କର୍ମଚାରୀଙ୍କ ଠାରୁ ସଚିବଙ୍କ ଡ୍ରାଇଭର ସମେତ ସମସ୍ତେ ଆକ୍ରାନ୍ତ ହୋଇଥିବା ଜଣାପଡିଛି । ବହୁ ସଂଖ୍ୟକ ସୁରକ୍ଷାକର୍ମୀଙ୍କ ଠାରେ ମଧ୍ୟ ପଜିଟିଭ ଚିହ୍ନଟ ହୋଇଛନ୍ତି ।