ମୁମ୍ବାଇ: ଲୋକଙ୍କ ସୁରକ୍ଷା ପାଇଁ ସରକାର ଲକଡାଉନ ଲାଗୁ କରିଛନ୍ତି । କିନ୍ତୁ ଏହାକୁ ଉଲ୍ଲଙ୍ଘନ କରି ସରକାରଙ୍କ ନିୟମ ଭାଙ୍ଗିବା ଲୋକଙ୍କର ଅଭ୍ୟାସ ପାଲଟିଛି । ଦେଶରେ ଏବେ ଯାଏଁ ଅପରାଧ ମାମଲା ଅଧିକ ରୁଜୁ ହୋଇନଥିବାବେଳେ ଲକଡାଉନ ଉଲ୍ଲଙ୍ଘନର ମାମଲା ମାତ୍ରାଧିକ ହୋଇଛି ।
ଏଥିରେ ଆଗରେ ରହିଛି ମହାରାଷ୍ଟ୍ର । ମାର୍ଚ୍ଚ 22ରୁ ପ୍ରଥମ ଲକଡାଉନ ଲାଗୁଠାରୁ ଆଜି ଯାଏଁ ରାଜ୍ୟରେ ମୋଟ 60 ହଜାର 5ଟି କେସ ରୁଜୁ ହୋଇଛି । ଆଇପିସିର ଧାରା 188 ଅଧୀନରେ ଏହି ମାମଲା ଲକଡାଉନ ନିୟମ ଭାଙ୍ଗିବା ଅଭିଯୋଗରେ ରୁଜୁ ହୋଇଛି । ସେହିପରି ପୋଲିସକୁ ଅସଦାଚରଣ କରି 411 ଜଣ ଗିରଫ ହୋଇଛନ୍ତି ବୋଲି ମହାରାଷ୍ଟ୍ର ପୋଲିସ ସୂଚନା ଦେଇଛି ।