ନୂଆଦିଲ୍ଲୀ: ସକାଳ 9ଟାରେ ଆରମ୍ଭ ହୋଇଛି ସଂସଦର ମୌସୁମୀ ଅଧିବେଶନ । ଅଧିବେଶନ ଆରମ୍ଭରୁ ଜାତୀୟ ସଙ୍ଗୀତ ଗାନ କରାଯାଇଛି । ପରେ ଲୋକସଭା ବାଚସ୍ପତି ଗୃହର ଅଧ୍ୟକ୍ଷତା କରିଛନ୍ତି ।
ମୌସୁମୀ ଅଧିବେଶନ: ଘଣ୍ଟାଏ ଗୃହ ମୁଲତବୀ
ଗୃହ ଆରମ୍ଭରୁ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସମେତ ମଧ୍ୟପ୍ରଦେଶ ରାଜ୍ୟପାଳ ଲାଲଜୀ ଟଣ୍ଡନ, ଶାସ୍ତ୍ରୀୟ କଣ୍ଠଶିଳ୍ପୀ ପଣ୍ଡିତ ଜଶରାଜ, ଛତିଶଗଡର ପୂର୍ବତନ ମୁଖ୍ୟମନ୍ତ୍ରୀ ଅଜିତ୍ ଯୋଗୀ, ଉତ୍ତରପ୍ରଦେଶ ମନ୍ତ୍ରୀ କମଲ ରାନୀ, ଚେତନ ଚୌହାନ, ପୂର୍ବତନ କେନ୍ଦ୍ରମନ୍ତ୍ରୀ ରଘୁବଂଶ ପ୍ରସାଦ ସିଂହ ଓ ଯେଉଁମାନଙ୍କ ଚଳିତ ବର୍ଷ ଦେହାନ୍ତ ହୋଇଛି ସମସ୍ତଙ୍କୁ ସାଂସଦମାନେ ଶ୍ରଦ୍ଧାଞ୍ଜଳି ଦେଇଛନ୍ତି । ଏହାସହ କୋରୋନା ଯୋଦ୍ଧା ଓ ଶହୀଦ ଯବାନଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଜଣାଇଛନ୍ତି ।