ଟାକ୍ସଫୋର୍ସ ଜାଲରେ ଟଙ୍କା ଚାଲାଣକାରୀ

48,00,200ଟଙ୍କା ସହ ତିନି ଜଣ ଚାଲାଣକାରୀଙ୍କୁ ଗିରଫ କରିଛି ଏସଟିଏଫ୍। ଧରାପଡିଥିବା ତିନିଜଣ ଅପରାଧୀ ହେଲେ ଭିପୁଲ କୁମାର ପଟେଲ, ଉପେନ୍ଦ୍ର କୁମାର ପଟେଲ ଏବଂ ପଟେଲ ଚେତନ କୁମାର।

ହାଇଦ୍ରାବାଦ: ହାଇଦ୍ରାବାଦର ଟାକ୍ସଫୋର୍ସକୁ ମିଳିଛି ବଡ ସଫଳତା। 48,00,200ଟଙ୍କା ସହ ତିନି ଜଣ ଚାଲାଣକାରୀଙ୍କୁ ଗିରଫ କରିଛି ଏସଟିଏଫ୍। ଗତ ମଙ୍ଗଳବାର ଷ୍ଟାର ହସ୍ପିଟାଲର ନିକଟରେ ଥିବା ବନଜାରା ହିଲ ନିକଟରୁ ଏହି ଚାଲାଣକାରୀ ଧରାପଡିଥିବା ସୂଚନା ମିଳିଛି।

ଧରାପଡିଥିବା ତିନିଜଣ ଅପରାଧୀ ହେଲେ ଭିପୁଲ କୁମାର ପଟେଲ, ଉପେନ୍ଦ୍ର କୁମାର ପଟେଲ ଏବଂ ପଟେଲ ଚେତନ କୁମାର। ପ୍ରାଥମିକ ତଦନ୍ତରୁ ଜଣାପଡିଛି ଯେ, ଅପରାଧୀମାନେ ବିନା ଆକାଉଣ୍ଟରେ ଲୋକମାନଙ୍କୁ 0.6% ନଗଦ ଟଙ୍କା ଯୋଗାଉଥିଲେ। ଏଥିସହ ସେମାନେ ପି.ଉମେଶ ଚନ୍ଦ୍ର କମ୍ପାନୀ ଏବଂ ମୁମ୍ବାଇ, ଅହମଦାବାଦ ଏବଂ ସୁରଟରେ ଥିବା କମ୍ପାନୀରୁ ଫୋନ୍ ଦ୍ବାରା ଅର୍ଡର ମଧ୍ୟ ନେଉଥିଲେ।

ସେପଟେ, ଘଟଣାର ଅଧିକ ଯାଞ୍ଚ ପାଇଁ ପୋଲିସ ଖୋଲତାଡ ଆରମ୍ଭ କରିଛି।