ଦକ୍ଷିଣ ଭାରତ ଗସ୍ତରେ ଯିବେ ମୋଦି

ମୋଦି ଦୁଇ ଦିବସୀୟ ଦକ୍ଷିଣ ଭାରତ ଗସ୍ତରେ ଯିବେ । ଶନିବାର ଗୁରୁବାୟୁରରେ ଶ୍ରୀକୃଷ୍ଣ ମନ୍ଦିର ଓ ରବିବାର ତିରୁମାଲାର ଭେଙ୍କଟେଶ୍ବର ମନ୍ଦିରରେ ପୂଜାର୍ଚ୍ଚନା କରିବେ ପ୍ରଧାନମନ୍ତ୍ରୀ ।

କୋଚି/ ତିରୁପତି: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇ ଦିବସୀୟ ଦକ୍ଷିଣ ଭାରତ ଗସ୍ତରେ ଯିବେ । ସେ କେରଳର ଗୁରୁବାୟୁରରେ ଶ୍ରୀକୃଷ୍ଣ ମନ୍ଦିର ଓ ଆନ୍ଧ୍ରପ୍ରଦେଶର ତିରୁମାଲାରେ ଭଗବାନ ଭେଙ୍କଟେଶ୍ବରଙ୍କ ପୂଜାର୍ଚ୍ଚନା କରିବା କାର୍ଯ୍ୟକ୍ରମ ରହିଛି ।

ପ୍ରଧାନମନ୍ତ୍ରୀ ମୋଦି ଦ୍ବିତୀୟ ଥର କାର୍ଯ୍ୟଭାର ସମ୍ଭାଳିବା ପରେ ପ୍ରଥମଥର ପାଇଁ ଏହି ଦୁଇ ଦକ୍ଷିଣ ଭାରତୀୟ ରାଜ୍ୟ ଗସ୍ତରେ ଯାଉଛନ୍ତି । ପ୍ରଧାନମନ୍ତ୍ରୀ ଶନିବାର ଗୁରୁବାୟୁରରେ ଶ୍ରୀକୃଷ୍ଣ ମନ୍ଦିରରେ ଓ ରବିବାର ତିରୁମାଲାର ଭେଙ୍କଟେଶ୍ବର ମନ୍ଦିରରେ ପୂଜାର୍ଚ୍ଚନା କରିବେ ।

ମୋଦି ଶୁକ୍ରବାର ରାତି 11ଟା 35ରେ କେରଳ ପହଞ୍ଚିବା ପରେ ସରକାରୀ ଗେଷ୍ଟ ହାଉସରେ ରହିବେ । ପରଦିନ ସକାଳେ ମୋଦି ଶ୍ରୀକୃଷ୍ଣ ମନ୍ଦିରରେ ପୂଜା କରିବେ । ଚଳିତ ସପ୍ତାହରେ ମାଳଦ୍ବୀପ ଓ ଶ୍ରୀଲଙ୍କା ଗସ୍ତ ପରେ ପ୍ରଧାନମନ୍ତ୍ରୀ ରବିବାର ସଂଧ୍ୟାରେ କଲୋମ୍ବୋରୁ ଆସି ତିରୁପତିର ରେଙ୍ଗୀଙ୍ଗୁଣ୍ଟା ବିମାନ ବନ୍ଦରରେ ପହଞ୍ଚିବେ । ଜୁନ 9 ତାରିଖ ମୋଦି ଭେଙ୍କେଟେଶ୍ବର ମନ୍ଦିରରେ ପୂଜା କରିବା ପରେ ଦିଲ୍ଲୀ ଫେରିଯିବେ ବୋଲି ମନ୍ଦିରର ଜଣେ ଅଧିକାରୀ ସୂଚନା ଦେଇଛନ୍ତି ।