ନୂଆଦିଲ୍ଲୀ: ମହାନ ବୈଜ୍ଞାନିକ, ଭାରତର ପୂର୍ବତନ ରାଷ୍ଟ୍ରପତି ତଥା ମିସାଇଲ ମ୍ୟାନ ଭାବେ ପରିଚିତ ଭାରତରତ୍ନ ଡ଼ ଅବୁଲ ପାକିର ଜୈନୁଲାବ୍ଦୀନ ଅବଦୁଲ କଲାମଙ୍କର 89ତମ ଜନ୍ମବାର୍ଷିକୀ । ତାଙ୍କର ଜନ୍ମବାର୍ଷିକୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବତନ ରାଷ୍ଟ୍ରପତିଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।
ନିଜ ଟ୍ବିଟରରେ ଏକ ଭିଡିଓ ସେୟାର କରି ମିସାଇଲ ମ୍ୟାନଙ୍କ ଉପଲବ୍ଧିକୁ ମନେ ପକାଇଛନ୍ତି । ଏଥିସହ ସେ ଲେଖିଛନ୍ତି ଯେ, ଭାରତ କେବେ ତାଙ୍କର ଅତୁଲ୍ୟ ଅବଦାନକୁ ଭୁଲି ପାରିବ ନାହିଁ । ଜଣେ ବୈଜ୍ଞାନିକ ଓ ରାଷ୍ଟ୍ରପତି ଭାବେ ଭାରତର ବିକାଶ କ୍ଷେତ୍ରରେ ତାଙ୍କର ଯୋଗଦାନ ଅତୁଳନୀୟ । ତାଙ୍କର ଜୀବନଯାତ୍ରା ଅନେକଙ୍କ ପାଇଁ ପ୍ରେରଣାଦାୟୀ ।