ନୂଆଦିଲ୍ଲୀ: ରାଜଧନୀ ଦିଲ୍ଲୀରେ ଲକଡାଉନ ସମୟରେ ପୋଲିସ୍ କର୍ମଚାରୀଙ୍କ ଯାତାୟାତ ପାଇଁ ଆରମ୍ଭ ହୋଇଛି ମେଟ୍ରୋ ସେବା । ସେମାନଙ୍କ ସେବା ପାଇଁ ସକାଳେ ଦୁଇଟି ମେଟ୍ରୋ ଏବଂ ସନ୍ଧ୍ୟାରେ ଦୁଇଟି ମେଟ୍ରୋ ଉପଲବ୍ଧ ରହିବ । ଏଥିରେ କେବଳ ଦିଲ୍ଲୀ ପୋଲିସ କର୍ମଚାରୀଙ୍କୁ ଯାତ୍ରା କରିବାକୁ ସୁଯୋଗ ମିଳିବା ବେଳେ ସାଧାରଣ ନାଗରିକଙ୍କୁ ମେଟ୍ରୋ ଭିତରକୁ ଯିବାକୁ ଅନୁମତି ଦିଆଯିବ ନାହିଁ । ସାରା ଦେଶ ଲକଡାଉନ ଥିବା ବେଳେ ରାଜଧାନୀ ଦିଲ୍ଲୀରେ ପୋଲିସ କ୍ରମାଗତ ଭାବେ ଡ୍ୟୁଟି କରୁଛନ୍ତି । ଫଳରେ ଘରୁ ଡ୍ୟୁଟିକୁ ଯିବା ଆସିବାରେ ବିଭିନ୍ନ ଅସୁବିଧାର ସମ୍ମୁଖୀନ ହେଉଥିବାରୁ ପୋଲିସ କମିଶନର ମଞ୍ଜିତ (ଦିଲ୍ଲୀ ମେଟ୍ରୋ ରେଳ ନିଗମ)DMRC ଙ୍କ ସହ କଥା ହୋଇ ଏଭଳି ନିଷ୍ପତ୍ତି ନେଇଛନ୍ତି ।
ଦିଲ୍ଲୀରେ ପୋଲିସ୍ କର୍ମଚାରୀଙ୍କ ପାଇଁ ଆରମ୍ଭ ହେଲା ମେଟ୍ରୋ ସେବା