ନୂଆଦିଲ୍ଲୀ: ଦୁଇ ଦିନିଆ ଭାରତ ଗସ୍ତରେ ଆସିଛନ୍ତି ଟ୍ରମ୍ପ ଦମ୍ପତି । ଆଜି ହେଉଛି ଭାରତ ଗସ୍ତର ଦ୍ବିତୀୟ ଦିନ । ଏହି ଅବସରରେ ଦିଲ୍ଲୀ ସ୍ଥିତ ହାଇଦ୍ରାବାଦ ହାଉସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ଚାଲିଥିଲା ଦ୍ବିପାକ୍ଷିକ ଆଲୋଚନା ।
ମନ ମୋହିଲା ଭବ୍ୟ ସ୍ବାଗତ: ଭାରତକୁ ଭୂରି ଭୂରି ପ୍ରଶଂସା କଲେ ମେଲାନିୟା
ଗୋଟେ ପଟେ ରାଷ୍ଟ୍ରପତି ଟ୍ରମ୍ପ ଗୁରୁତ୍ବପୂର୍ଣ୍ଣ ବୈଠକରେ ବ୍ୟସ୍ତ ଥିବା ବେଳେ ଦିଲ୍ଲୀ ନାନକପୁରା ସ୍ଥିତ ଏକ ସରକାରୀ ବିଦ୍ୟାଳୟରେ ପହଞ୍ଚିଥିଲେ ଆମେରିକାର ପ୍ରଥମ ମହିଳା ମେଲାନିଆ ଟ୍ରମ୍ପ । ଏପଟେ ଟ୍ରମ୍ପଙ୍କୁ ସ୍ବାଗତ ପାଇଁ ଅନେଇ ବସିଥିଲେ କୁନି କୁନି ଛାତ୍ରଛାତ୍ରୀ । ସେଠାରେ ମେଲାନିୟାଙ୍କୁ ଟୀକା ଚନ୍ଦନ ଲଗାଇ ସ୍କୁଲ ଭିତରକୁ ପାଛୋଟି ନେଇଥିଲେ । ତାଙ୍କୁ ବହୁ ଆଡମ୍ବରରେ ସ୍ବାଗତ କରାଯାଇଥିଲା ।