'କଂଗ୍ରେସକୁ ଦରକାର ଅମିତ ଶାହ'

ସମସ୍ତଙ୍କୁ ପଛରେ ପକାଇ ଏପର୍ଯ୍ୟନ୍ତ ଦେଶର ପ୍ରାୟ ଅଧିକାଂଶ ଆସନରେ ଆଗୁଆ ରହିଛି ଭାରତୀୟ ଜନତା ପାର୍ଟି । ଏନେଇ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା ଜଣାଇଛନ୍ତି ଜାମ୍ମୁ-କାଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ମେହେବୁବା ମୁଫତି ।

ନୂଆଦିଲ୍ଲୀ: ଚାଲିଛି ଭୋଟ ଗଣତି । ସମସ୍ତଙ୍କୁ ପଛରେ ପକାଇ ଏପର୍ଯ୍ୟନ୍ତ ଦେଶର ପ୍ରାୟ ଅଧିକାଂଶ ଆସନରେ ଆଗୁଆ ରହିଛି ଭାରତୀୟ ଜନତା ପାର୍ଟି । ତେବେ ଏନେଇ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା ଜଣାଇଛନ୍ତି ଜାମ୍ମୁ-କାଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ମେହେବୁବା ମୁଫତି ।

ସେ ନିଜ ଟ୍ବିଟର ହ୍ୟାଣ୍ଡେଲରେ ଲେଖିଛନ୍ତି, ନରେନ୍ଦ୍ର ମୋଦୀ ଜି ଆପଣଙ୍କୁ ଶୁଭେଚ୍ଛା । ବିଜେପି ଏଥର କ୍ଷମତାକୁ ଫେରିବା ନିଶ୍ଚିତ । ସେପଟେ କଂଗ୍ରେସକୁ ସମାଲୋଚନା କରି କହିଛନ୍ତି ଦଳ ଏବେ ଦୁର୍ବଳ ହୋଇପଡ଼ିଛି । ଅମିତ ଶାହଙ୍କ ଭଳି ନେତା କଂଗ୍ରେସରେ ଆବଶ୍ୟକ ରହିଛି । ଏବେ ସମୟ ଆସିଛି କଂଗ୍ରେସ ଖୋଜି ନେଉ ନିଜ ଅମିତ ଶାହ ।