‘ଆଭେଞ୍ଜର୍ସ ଏଣ୍ଡ ଗେମର ଖଳନାୟକ ପିଏମ’

ଆଭେଞ୍ଜର୍ସ ଫିଲ୍ମ ଆଡରେ ମୋଦିଙ୍କୁ ସମାଲୋଚନା କରିଛନ୍ତି ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫ୍‌ତି । ଫିଲ୍ମର ଖଳନାୟକ ଥାନସ ସହ ପିଏମଙ୍କୁ ତୁଳନା କରିଛନ୍ତି ମେହବୁବା ।

ନୂଆଦିଲ୍ଲୀ: ମାର୍ବଲ ଷ୍ଟୁଡିଓଜ ବ୍ୟାନରର ଫିଲ୍ମ ଆଭେଞ୍ଜର୍ସ ଏଣ୍ଡ ଗେମର ପ୍ରଭାବ ଏବେ ଲୋକସଭା ନିର୍ବାଚନରେ ଦେଖିବାକୁ ମିଳୁଛି । ପ୍ରଥମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଭେଞ୍ଜର୍ସ ଫିଲ୍ମ ଆଡରେ ରାହୁଲ ଗାନ୍ଧୀଙ୍କୁ ସମାଲୋଚନା କରିଥିଲେ । ଆଉ ଏବେ ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫ୍‌ତି ମୋଦିଙ୍କୁ ସମାଲୋଚନା କରିଛନ୍ତି । ଫିଲ୍ମର ଖଳନାୟକ ଥାନସ ସହ ମୋଦିଙ୍କ ତୁଳନା କରିଛନ୍ତି ମେହବୁବା ।

ସେ ଟ୍ବିଟ କରି ଲେଖିଛନ୍ତି, ମୋଦି ଦେଶୀ ଆଭେଞ୍ଜର୍ସର ବି ଟିମ୍‌ । ବର୍ତ୍ତମାନ ଆଚରଣରୁ ଲାଗୁଛି ଯେ, ମୋଦି ଥାନସଠାରୁ କେତେ ଗୁଣ ଆଗୁଆ ଅଛନ୍ତି । ସୂଚନା ଯୋଗ୍ୟ ଯେ, ଆମେ ଭାରତକୁ ପୃଥିବୀ, ବାୟୁ ଏବଂ ଅନ୍ତରୀକ୍ଷ ସମସ୍ତ ସ୍ଥାନରେ ସୁରକ୍ଷିତ ରଖିବୁ ବୋଲି ଏକ ନିର୍ବାଚନୀ ରାଲିରେ ମୋଦି କହିଥିଲେ । ଯାହା ଜବାବରେ ମେହବୁବା ଏଭଳି କହିଛନ୍ତି ।