ତ୍ରିସୁର: କେରଳର ମୋହିନୀଅଟ୍ଟମ ନୃତ୍ୟ । ଯାହା 'ଜାତୀୟ ଧ୍ରୁପଦୀ ନୃତ୍ୟକଳା' ହିସାବରେ ସ୍ବୀକୃତ । ଏବେ ଏହି ନୃତ୍ୟ ଇତିହାସରେ ନୂଆ ଏକ ଅଧ୍ୟାୟ ସୃଷ୍ଟି ହୋଇଛି । ସମୂହ 4706 ନର୍ତ୍ତକୀଙ୍କ ଦ୍ବାରା ଏହି ନୃତ୍ୟ ପରିବେଷଣ କରାଯାଇଛି । ଏଥିସହ ଏହି ନୃତ୍ୟକୁ ଗିନିଜ ବୁକ୍ ଅଫ ୱାର୍ଲ୍ଡ ରେକଡ୍ସରେ ସ୍ଥାନ ମିଳିଛି ।
ଥୋକ୍କିନକାଡୁ ମୈଦାନରେ 4706 ନୃତ୍ୟଶିଳ୍ପୀ ମୋହିନଅଟ୍ଟମ ନୃତ୍ୟ ପରିବେଷଣ କରିଥିଲେ । ନୃତ୍ୟ ପ୍ରଦର୍ଶନ ଶ୍ରୀ ନାରାୟଣ ଗୁରୁଙ୍କ ଦ୍ବାରା କୁଣ୍ଡଲିନୀପଟ୍ଟୁ ଉପରେ ଆଧାରିତ ରହିଥିଲା । କେରଳ ଓ ବାହାର ରାଜ୍ୟର କଳାକାର ଏହି ‘ଏକାତ୍ମକ ମେଗା ଇଭେଣ୍ଟରେ’ ଭାଗ ନେଇଥିଲେ । ନୃତ୍ୟ ଶିଳ୍ପୀଙ୍କ ମଧ୍ୟରେ ପ୍ରସିଦ୍ଧ ନର୍ତ୍ତକୀ କଲାମଣ୍ଡଲମ ଓ ଡା. ଧନୁଷ ସାନ୍ୟାଲ ସାମିଲ ରହିଥିଲେ । ଏହି ଗୀତକୁ ସଂଗୀତକାର ଓ ଭାଓଲିନ ବାଦକ ଏଡ୍ଡାପଲ୍ଲୀ ଅଜିଥ୍ କୁମାର ପ୍ରସ୍ତୁତ କରିଛନ୍ତି । ସେହିପରି ଏହି ଗୀତଟିରେ କଣ୍ଠଦାନ କରିଛନ୍ତି ମଧୁ ବାଲକିଷ୍ଣନ ।
କେନ୍ଦ୍ର ମନ୍ତ୍ରୀ ଭି ମୁରଲୀଧରନ ଏହି ମେଗା ଇଭେଣ୍ଟରୁ ଉଦ୍ଘାଟନ କରିଥିଲେ । ଏତଦ୍ବ୍ୟତୀତ ଏହି କାର୍ଯ୍ୟକ୍ରମରେ କେରଳ ମନ୍ତ୍ରୀ ଭିଏସ ସୁନୀଲ କୁମାର ଓ ସି ରବିନ୍ଦ୍ର ନାଥ ଉପସ୍ଥିତ ରହିଥିଲେ ।
