ହାଇଦ୍ରାବାଦ: ଚେନ୍ନାଇ, ସିମଲା, ବେଙ୍ଗାଲୁରୁରେ ସ୍ଥିତ ପ୍ଲାଷ୍ଟିକ ମୁକ୍ତ ଦୋକାନରୁ ପ୍ରେରଣା ନେଇ ହାଇଦ୍ରାବାଦରେ ଖୋଲିଛି ଏକ ପ୍ଲାଷ୍ଟିକ ମୁକ୍ତ ଇକୋ-ଦୋକାନ । ଯାହାକୁ ଖୋଲିଛନ୍ତି ହାଇଦ୍ରାବାଦର ପଙ୍କଜ । ଯିଏ କି ପେଶାରେ ଜଣେ ଚାଟାର୍ଡ ଆକାଉଣ୍ଟାଣ୍ଟ । ସହରରେ ଏହି ଷ୍ଟୋରର ରହିଛି ଢେର୍ ଡିମାଣ୍ଡ । ହାଇଦ୍ରାବାଦର ସିକନ୍ଦରାବାଦରେ ରହିଛି ଏହି ଷ୍ଟୋରଟି । ଏଠାରେ ଚାଉଳ, ଅଟା, ଖଟା ଠାରୁ ଆରମ୍ଭ କରି 170 ପ୍ରକାର ଜିନିଷ ବିକ୍ରି ହେଉଛି । ପ୍ରତ୍ୟେକ ଜିନିଷକୁ ପ୍ଲାଷ୍ଟିକ ନୁହେଁ କାଚ କଣ୍ଟେନର ରଖାଯାଉଛି ।
ପଙ୍କଜ ଜଣେ ଆକାଉଣ୍ଟାଣ୍ଟ ହୋଇବି ଲୋକଙ୍କୁ ପ୍ଲାଷ୍ଟିକ ବିରୋଧରେ କରୁଛନ୍ତି ସଚେତନ । ଏହି ଷ୍ଟୋରରେ ମିଳୁଛି ଭଳିକି ଭଳି ଜୈବିକ ପଦାର୍ଥ । ବିଶେଷ କରି ଅରଗାନିକ୍ ସାମ୍ପୁ, ହର୍ବାଲ ସାବୁନ ଓ କଫି ସ୍କର୍ବ ଭଳି ବିଭିନ୍ନ ସାମଗ୍ରୀ ରହିଛି ବହୁ ଡିମାଣ୍ଡ । ଏହାସହ ମହିଳାଙ୍କ ହାତ ତିଆରି ସାମଗ୍ରୀ ମଧ୍ୟ ରହିଛି ଏହି ଷ୍ଟୋରରେ । ଅନ୍ୟପଟେ ଆପଣ ଯେତେବେଳେ ଏହି ଷ୍ଟୋରରେ ପାଦ ରଖିବେ ପ୍ଲାଷ୍ଟିକ ବ୍ୟବହାର ନକରିବାର ବାର୍ତ୍ତା ଲେଖା ହୋଇଥିବା ଦେଖିବାକୁ ମିଳିବ ।