ନୂଆଦିଲ୍ଲୀ: ଗୁରୁବାର ଦିନ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ ବଜାର, ବଜାର କମ୍ପ୍ଲେକ୍ସଗୁଡିକ ଅଡ-ଇଭେନ ନମ୍ବର ଅନୁସାରେ ଖୋଲିବ। କିନ୍ତୁ ସ୍କୁଲ, ସ୍ପା, ସେଲୁନ୍, ସିନେମା ହଲ୍ ଏବଂ ସୁଇମିଂ ପୁଲ୍ ବନ୍ଦ ରହିବ।
ଆମେ ଲୋକଙ୍କଠାରୁ ପରାମର୍ଶ ଲୋଡିଥିଲୁ ଏବଂ ଆମେ 5 ଲକ୍ଷରୁ ଅଧିକ ପରାମର୍ଶ ଗ୍ରହଣ କରିଛୁ । ଏହି ପରାମର୍ଶକୁ ଭିତ୍ତି କରି ଆମେ କେନ୍ଦ୍ରକୁ ଏକ ପ୍ରସ୍ତାବ ପଠାଇବୁ ବୋଲି ସିଏମ କେଜ୍ରିୱାଲ କହିଛନ୍ତି। "ଆମେ ଅନେକ ମାର୍କେଟ ଆସୋସିଏସନ ପକ୍ଷରୁ ଅନେକ ପରାମର୍ଶ ଗ୍ରହଣ କରିଛୁ ଏବଂ ସେମାନଙ୍କ ମଧ୍ୟରୁ ଅଧିକାଂଶ ବଜାର ଏବଂ ମାର୍କେଟ କମ୍ପ୍ଲେକ୍ସ ଖୋଲିବା ଉଚିତ୍ ବୋଲି କହିଛନ୍ତି। ସେମାନେ ଗୋଟିଏ ଦିନରେ ଅଧା ଦୋକାନ ଏବଂ ଅବଶିଷ୍ଟ ଦୋକାନଗୁଡିକ ଅନ୍ୟ ଦିନ ଖୋଲିପାରିବେ ବୋଲି କହିଛନ୍ତି କେଜ୍ରିୱାଲ।
ସେ ଆହୁରି ମଧ୍ୟ କହିଛନ୍ତି ଯେ, ଗ୍ରୀଷ୍ମ ଛୁଟି ପର୍ଯ୍ୟନ୍ତ ବିଦ୍ୟାଳୟ ଓ ଶିକ୍ଷାନୁଷ୍ଠାନ ବନ୍ଦ ରହିବା ଉଚିତ ବୋଲି ଅଧିକାଂଶ ମତ ଦେଇଛନ୍ତି। ଜନସାଧାରଣ ପରିବହନକୁ କାର୍ଯ୍ୟକ୍ଷମ କରିବାକୁ ଅନୁମତି ଦେବା ପ୍ରସଙ୍ଗରେ ସେ କହିଛନ୍ତି ଯେ ଟ୍ୟାକ୍ସି ଏବଂ ଅଟୋ-ରିକ୍ସା ନିୟମ ଅନୁଯାୟୀ କାର୍ଯ୍ୟ କରିବା ଉଚିତ ଯେ ଜଣେ ଯାତ୍ରୀଙ୍କୁ ଅଟୋ-ରିକ୍ସା ଏବଂ ସର୍ବାଧିକ ଦୁଇ ଯାତ୍ରୀଙ୍କୁ କ୍ୟାବରେ ବସିବାକୁ ଅନୁମତି ଦିଆଯିବା ଉଚିତ। ପ୍ରତ୍ୟେକ ଯାତ୍ରା ପରେ ଯାନଗୁଡିକ ସାନିଟାଇଜ ହେବା ଜରୁରୀ ।