କାଳ ହେଲା କଳି, ସ୍ତ୍ରୀ ଓ ପିଲାଙ୍କୁ ଜୀଅନ୍ତା ଜାଳିଲା ନିର୍ଦ୍ଦୟ

ସ୍ବାମୀ ସ୍ତ୍ରୀ କଳିର କରୁଣ ପରିଣତି । ଛୁଆ ଓ ସ୍ତ୍ରୀ ଜୀଅନ୍ତା ଜାଳିଲା ଅଭିଯୁକ୍ତ । ଆଗକୁ ପଢନ୍ତୁ...

ହାଇଦ୍ରାବାଦ: ପାରିବାରିକ କଳହର କରୁଣ ପରିଣତି । ସ୍ତ୍ରୀ ଓ ପିଲାଙ୍କୁ ଜୀଅନ୍ତା ପୋଡିଲା ନିର୍ଦ୍ଦୟ। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ତେଲେଙ୍ଗାନା ସିଦ୍ଦିପେଟ ଜିଲ୍ଲା ଖମମପଲ୍ଲି ଗାଁରେ।

ଏହି ଗାଁର ଲକ୍ଷ୍ମୀରଜମ ଓ ପତ୍ନୀ ବିମଳାଙ୍କ ଭିତରେ ଅନେକ ଦିନ ହେବ କୌଣସି କଥାକୁ ନେଇ ପାଟି ତୁଣ୍ଡ ଲାଗି ରହୁଥିଲା।ଗୁରୁବାର ରାତିରେ ଦୁହିଁଙ୍କ ଝଗଡା ବଢିଯାଇଥିଲା। ଫଳରେ ନିଜ କ୍ରୋଧକୁ ନିୟନ୍ତ୍ରଣ କରିପାରିନଥିଲେ ଲକ୍ଷ୍ମୀରଜମ । ଫଳରେ ପିଲା ଏବଂ ସ୍ତ୍ରୀ ବିମଳାଙ୍କ ଦେହରେ ନିଆଁ ଲଗାଇ ଦେଇଥିଲେ । ଘଟଣାସ୍ଥଳରେ ଥିବା ଅଭିଯୁକ୍ତଙ୍କ ଭଉଣୀ ଏବଂ ଭାଇ ମଧ୍ୟ ଗୁରୁତର ଆହତ ହୋଇଛନ୍ତି ।

ସମସ୍ତ ଗୁରୁତରଙ୍କୁ ଉଦ୍ଧାର କରି ପ୍ରଥମେ ସିଦ୍ଦିପେଟ ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ସେମାନଙ୍କ ସ୍ବାସ୍ଥ୍ୟବସ୍ଥାରେ କିଛି ସୁଧାର ନଆସିବାରୁ ସମସ୍ତଙ୍କୁ ଗାନ୍ଧି ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ପହଞ୍ଚି ପୋଲିସ ତଦନ୍ତ ଆରମ୍ଭ କରିଛି।