ଗାନ୍ଧୀନଗର: ଗୁଜୁରାଟର ଦହେଜରେ ଥିବା ଏକ ରାସାୟନିକ କାରଖାନାରେ ବଡ ଧରଣର ବିସ୍ଫୋରଣ । ଏଥିରେ 5 ଶ୍ରମିକ ପ୍ରାଣ ହରାଇଥିବା ବେଳେ 40 ଆହତ ହୋଇଛନ୍ତି । ଏହି ବିସ୍ଫୋରଣ ଦହେଜ ଶିଳ୍ପାଞ୍ଚଳରେ ଅବସ୍ଥିତ ଏକ କାରଖାନାରେ ଘଟିଛି । ବିସ୍ଫୋରଣ ଫଳରେ ଭୟଙ୍କର ନିଆଁ ଲାଗିଛି କାରଖାନାରେ । ନିଆକୁ ଆୟତ୍ତ କରିବା ପାଇଁ 10 ଟି ଅଗ୍ନିଶମ ବାହିନୀ ଗାଡି ନିୟୋଜିତ ଅଛନ୍ତି । ଭରୁଚ ଜିଲ୍ଲାର ଜଣେ ଅଧିକାରୀ କହିଛନ୍ତି ଯେ ରାସାୟନିକ ଅଗ୍ନି ବିଷାକ୍ତ ଥିବାରୁ କାରଖାନା ନିକଟ ଗାଁର ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି ।
କାରଖାନାର ବିସ୍ଫୋରଣ ଭିଡିଓରେ ଏକ ବଡ଼ ଆକାରରେ ଧୂଆଁ ଉପରକୁ ଉଠିବାର ଦେଖାଯାଉଛି । ଏଥିରୁ ବିସ୍ଫୋରଣର ଭୟାଭୟତା ସ୍ପଷ୍ଟ ଅନୁମେୟ ହେଉଛି । ଭରୁଚ କଲେକ୍ଟର ଏମଡି ମୋଡିଆ କହିଛନ୍ତି ଯେ ଅପରାହ୍ନରେ ଏକ ଏଗ୍ରୋ-କେମିକାଲ୍ କମ୍ପାନୀ ବ୍ରଏଲରେରେ ବିସ୍ଫୋରଣ ହେବା ପରେ ପ୍ରାୟ 35-40 କର୍ମଚାରୀ ଆହତ ଯାଇଥିଲେ । ସମସ୍ତ ଆହତଙ୍କୁ ଭାରୁଚର ଡାକ୍ତରଖାନା ନିଆଯାଇଛି ଏବଂ ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଜାରି ରହିଛି ।