ହାଇଦ୍ରାବାଦ: ମହାରାଷ୍ଟ୍ରରେ କେଉଁ ଦଳ ସରକାର ଗଠନ କରିବ ତାହା ଜଣାପଡି ନାହିଁ । କିଏ ମୁଖ୍ୟମନ୍ତ୍ରୀ କିଏ ହେବ ତାହା ଏବେ ବି ଅସ୍ପଷ୍ଟ ? ବିଜେପି-ଶିବସେନା ମେଣ୍ଟ ବଜାୟ ରଖିବେ କି? ନା ଦଳୀୟ ସ୍ବାର୍ଥ ପାଇଁ ମେଣ୍ଟର ପତନ ଘଟିବ ? ଯଦି ମେଣ୍ଟ ହୁଏ କିଏ ହେବ ମୁଖ୍ୟମନ୍ତ୍ରୀ ଦେବେନ୍ଦ୍ର ନା ଆଦିତ୍ୟ ? ନା ମହାରାଷ୍ଟ୍ର ରାଜନୀତିରେ ସୃଷ୍ଟି ହେବ ନୂଆ ସମୀକରଣ ।
ଏମିତି ଅନେକ ପ୍ରଶ୍ନ ଏବେ ସାରା ଦେଶରେ ଲାଗି ରହିଛି । ରାଜନୈତିକ ପଣ୍ଡିତମାନେ ଜାରି ରଖିଛନ୍ତି ଅଙ୍କ କଷା । ଠିକ ଏତିକି ବେଳେ ମୁମ୍ବାଇ ସ୍ଥିତ ବିଧାନ ଭବନରେ ଶପଥ ଗ୍ରହଣ ଉତ୍ସବ ପାଇଁ ଚାଲିଛି ମଞ୍ଚ ପ୍ରସ୍ତୁତି । ଅତିଥିଙ୍କ ପାଇଁ ଚୌକି ପଡୁଛି । ସଜାସଜ୍ଜା ଜୋରସୋରରେ ହେଉଛି । କେଉଁ ଦଳର ନିର୍ଦ୍ଦେଶ ଏହି ଶପଥ ପାଇଁ ପ୍ରସ୍ତୁତି ହେଉଛି ତାହା ଏବେ ଅନ୍ଧାରରେ ।