ମହାରାଷ୍ଟ୍ରରେ ଦଶମ ଶ୍ରେଣୀ ପର୍ଯ୍ୟନ୍ତ ମରାଠୀ ଭାଷା ବାଧ୍ୟତାମୂଳକ

ମହାରାଷ୍ଟ୍ର ରାଜ୍ୟ ବିଦ୍ୟାଳୟ ଶିକ୍ଷା ବିଭାଗ ସୋମବାର ଦିନ ସିବିଏସ୍ଇ, ଆଇସିଏସ୍ଇ, ଆଇବି ଏବଂ ଆଇଜିସିଏସଇ ବୋର୍ଡ ସହ ଜଡିତ ସମସ୍ତ ବିଦ୍ୟାଳୟରେ ଦଶମ ଶ୍ରେଣୀ ପର୍ଯ୍ୟନ୍ତ ମରାଠୀକୁ ବାଧ୍ୟତାମୂଳକ ବିଷୟ ଭାବରେ କାର୍ଯ୍ୟକାରୀ କରିବାକୁ ଘୋଷଣା କରିଛି । ଏନେଇ ମହାରାଷ୍ଟ୍ର ବିଦ୍ୟାଳୟ ଶିକ୍ଷା ମନ୍ତ୍ରୀ ମରାଠୀରେ ଟୁଇଟ୍ କରିଛନ୍ତି । ଅଧିକ ପଢନ୍ତୁ...

ନୂଆଦିଲ୍ଲୀ: ମହାରାଷ୍ଟ୍ର ରାଜ୍ୟ ବିଦ୍ୟାଳୟ ଶିକ୍ଷା ବିଭାଗ ସୋମବାର ଦିନ ସିବିଏସ୍ଇ, ଆଇସିଏସ୍ଇ, ଆଇବି ଏବଂ ଆଇଜିସିଏସଇ ବୋର୍ଡ ସହ ଜଡିତ ସମସ୍ତ ବିଦ୍ୟାଳୟରେ ଦଶମ ଶ୍ରେଣୀ ପର୍ଯ୍ୟନ୍ତ ମରାଠୀକୁ ବାଧ୍ୟତାମୂଳକ ବିଷୟ ଭାବରେ କାର୍ଯ୍ୟକାରୀ କରିବାକୁ ଘୋଷଣା କରିଛି । 2020-21 ଶିକ୍ଷାବର୍ଷରୁ ରାଜ୍ୟର ଯେକୌଣସି ମାଧ୍ୟମର ବିଦ୍ୟାଳୟରେ ମରାଠୀକୁ ବାଧ୍ୟତାମୂଳକ କରିବା ଆଇନ ଅନୁଯାୟୀ, ଏହାକୁ କାର୍ଯ୍ୟକାରୀ କରିବାକୁ ବିଦ୍ୟାଳୟ ଶିକ୍ଷା ବିଭାଗ ସରକାର ନିଷ୍ପତ୍ତି ନେଇଛି ।

ଏନେଇ ମହାରାଷ୍ଟ୍ର ବିଦ୍ୟାଳୟ ଶିକ୍ଷା ମନ୍ତ୍ରୀ ମରାଠୀରେ ଟୁଇଟ୍ କରିଛନ୍ତି । ବିଜ୍ଞପ୍ତିରେ କୁହାଯାଇଛି ଯେ, ମରାଠୀ ଅଧ୍ୟୟନ କରୁଥିବା ଛାତ୍ରଛାତ୍ରୀମାନେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଶୁଣିବା, କହିବା, ପଢିବା ଏବଂ ଲେଖିବା ଭଳି ଦକ୍ଷତା ଉପରେ ଧ୍ୟାନ ଦେବେ । ଯେତେବେଳେ ଷଷ୍ଠରୁ ଦଶମ ମାନ୍ୟତା ପାଇବେ ସେତେବେଳେ ସେମାନେ ଆତ୍ମ-ଅଭିବ୍ୟକ୍ତି ଏବଂ ବୋଧଶକ୍ତି ଉପରେ ଧ୍ୟାନ ଦେବେ । ବିଭିନ୍ନ ରାଜ୍ୟର ଛାତ୍ରମାନଙ୍କ ପାଇଁ କୌଣସି ରିହାତି ଦିଆଯାଇନାହିଁ । ଏହି ନିଷ୍ପତ୍ତି ଉପରେ ବିଦ୍ୟାଳୟ କର୍ତ୍ତୃପକ୍ଷ ଏବଂ ଶିକ୍ଷକମାନେ ମିଶ୍ରିତ ପ୍ରତିକ୍ରିୟା ରଖିଛନ୍ତି।

ବିଦ୍ୟାଳୟ କର୍ତ୍ତୃପକ୍ଷ ଏହି ନିଷ୍ପତ୍ତିକୁ ସ୍ୱାଗତ କରିଥିବାବେଳେ ଶିକ୍ଷକମାନେ ଏହାକୁ କାର୍ଯ୍ୟକାରୀ ନହେବାକୁ ଦାବି କରିଛନ୍ତି । କାରଣ ଅନ୍ୟ ରାଜ୍ୟରୁ ଅନେକ ଛାତ୍ର ଅଛନ୍ତି ଯେଉଁମାନେ ମୁମ୍ବାଇରେ ପଢୁଛନ୍ତି, ସେଥିପାଇଁ ଏହାକୁ ଇଚ୍ଛାଧିନ କରିବାକୁ ଶିକ୍ଷକମାନେ ଏହାକୁ ଦାବି କରିଛନ୍ତି । ମହାରାଷ୍ଟ୍ର ବାଧ୍ୟତାମୂଳକ ଶିକ୍ଷାଦାନ ଏବଂ ବିଦ୍ୟାଳୟରେ ମରାଠୀ ଭାଷାର ଶିକ୍ଷା, 2020ର ଏକ ଅଂଶ, ଯାହା ଗତ ବଜେଟ୍ ଅଧିବେଶନରେ ରାଜ୍ୟ ବିଧାନସଭାର ଉଭୟ ଗୃହରେ ପାରିତ ହୋଇଥିଲା । ଆଦେଶ ଅନୁଯାୟୀ ଯଦି ନିୟମ ପାଳନ ନକରାଯାଏ, ତେବେ ବିଦ୍ୟାଳୟ ଉପରେ ଜୋରିମାନା ଲଗାଯାଇପାରେ ବୋଲି ସୂଚନା ରହିଛି ।