ଚନ୍ଦ୍ରଗ୍ରହଣ ଓ ସୂର୍ଯ୍ୟପରାଗ ଗୋଟିଏ ଗୋଟିଏ ବିରଳ ମହାଜାଗତିକ ଘଟଣା। ପ୍ରତ୍ୟେକ ବର୍ଷ ଏହା ଘଟିଥାଏ। ବିଶ୍ବାସ ଓ ବିଜ୍ଞାନ, ସଚେତନତା ମଧ୍ୟରେ ଆଜିର ଏହି ଆଧୁନିକ ସମାଜ ମଧ୍ୟ ଏହାକୁ ଗ୍ରହଣ କରିଥାଏ। ଚଳିତ ବର୍ଷ ଜାନୁଆରୀ 10 ରେ 2020 ର ପ୍ରଥମ ଚନ୍ଦ୍ରଗ୍ରହଣର ଦୃଶ୍ୟମାନ ହେବା ପରେ, ପୁଣି ଜୁନ୍ 5 ଏବଂ 6 ରେ ବର୍ଷର ଦ୍ୱିତୀୟ ଚନ୍ଦ୍ରଗ୍ରହଣକୁ ଉପଭୋଗ କରିଛନ୍ତି ଦେଶବାସୀ।
ଆଜି ହେଉଛି ବର୍ଷର ତୃତୀୟ ଚନ୍ଦ୍ରଗ୍ରହଣ। ଜୁଲାଇ 5 ଭୋର୍ ବେଳେ ଏହା ସଂଘଟିତ ହେବାକୁ ଥିବା ବେଳେ ବିଶ୍ବର ଅନେକ ସ୍ଥାନରେ ପୂର୍ଣ୍ଣଗ୍ରହଣ ଦେଖିବାକୁ ମିଳିବା ନଭେମ୍ବର 30 ରେ ଆଉ ଏକ ଗ୍ରହଣ ହେବ। ପୂର୍ବ ପ୍ରଥା, ପରମ୍ପରା ଓ ବିଶ୍ବାସକୁ ପାଥେୟ କରି ଏହି ସମୟରେ ବାହାରକୁ ବାହାରିଲେ ଶରୀର ଉପରେ କୁପ୍ରଭାବ ପଡିଥାଏ ବୋଲି କୁହାଯାଏ। ତେଣୁ କେତେଗୁଡିକ ଜିନିଷ ବାରଣ ସହ ପାକ ନିଷେଧ ହୋଇଥାଏ। ତେଣୁ ଅନେକ ଲୋକ ମଧ୍ୟ ଏହାକୁ ମାନି ସମୟ ପୂର୍ବରୁ ପାକ ତ୍ୟାଗ କରିଥାନ୍ତି। ଯାହାକୁ ହାଣ୍ଡିଛାଡ କୁହାଯାଏ।