ଲକ୍ଷ୍ନୌ: ଅନଲକ 1.0ରେ ବିଭିନ୍ନ ସେବାକୁ ରିହାତି ଦିଆଯାଇଛି। ଏଥିରେ ବିଭିନ୍ନ ଆବଶ୍ୟକ ଓ ଅତ୍ୟାବଶ୍ୟକ କାର୍ଯ୍ୟକୁ କଟକଣା ସହ ଖୋଲାଯାଉଛି। ତେବେ ସୋମବାର ଠାରୁ ଲକ୍ଷ୍ନୌ ପ୍ରାଣୀ ଉଦ୍ୟାନ ଦର୍ଶକଙ୍କ ପାଇଁ ଖୋଲା ହେବ। ହେଲେ ଦର୍ଶକଙ୍କ ପାଇଁ ବିଭିନ୍ନ ପ୍ରକାର ନିୟମ କାର୍ଯ୍ୟକାରୀ କରାଯାଇ ଚିଡିଆଖାନା ଭିତରକୁ ପ୍ରବେଶ ପାଇଁ ଅନୁମତି ଦିଆଯିବ।
ଲକ୍ଷ୍ନୌର ନବାବ ୱାଜିଦ୍ ଅଲି ଶାହା ପ୍ରାଣୀ ଉଦ୍ୟାନର ନିର୍ଦ୍ଦେଶକ ଆର କେ ସିଂ କହିଛନ୍ତି ଯେ, ବର୍ତ୍ତମାନ ଜଣେ ଚାହିଁଲେ ୱେବସାଇଟରୁ ଟିକେଟ କ୍ରୟ କରିପାରିବେ। ଦର୍ଶକମାନଙ୍କ ପାଇଁ ଚିଡିଆଖାନା ଭ୍ରମଣକୁ ଦୁଇ ଘଣ୍ଟା ଧାର୍ଯ୍ୟ କରାଯିବା ସହିତ ତିନି ଭାଗରେ ବିଭକ୍ତ ହେବ । ଗୋଟିଏ ଥର ସ୍ଲଟରେ ପ୍ରବେଶ କରିବାକୁ ଅନୁମତି ପ୍ରାପ୍ତ ବ୍ୟକ୍ତିଙ୍କ ମୋଟ ସଂଖ୍ୟା 500 ରେ ସୀମିତ ରହିବ । ଏହା ବ୍ୟତୀତ ସମସ୍ତ ପରିଦର୍ଶକଙ୍କୁ ଥର୍ମାଲ୍ ସ୍କାନିଂ କରିବାକୁ ପଡିବ, ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି ଏବଂ ପ୍ରାଣୀ ଉଦ୍ୟାନ ଭିତରେ କେବଳ ପାଣି ବୋତଲ ଅନୁମତି ଦିଆଯିବ ।