ନୂଆଦିଲ୍ଲୀ: ସୋମବାର ଦିନ 2ଟା ପର୍ଯ୍ୟନ୍ତ ସ୍ଥଗିତ ରହିବ ଲୋକସଭା । ସାଂସଦ ରାମଚନ୍ଦ୍ର ପାସୱାନ, ଦିଲ୍ଲୀ ପୂର୍ବ ମୁଖ୍ୟମନ୍ତ୍ରୀ ଶୀଲା ଦିକ୍ଷିତଙ୍କ ଶ୍ରଦ୍ଧାଞ୍ଜଳି ଦିଆଯିବା ନିମନ୍ତେ ସୋମବାର 2ଟା ପର୍ଯ୍ୟନ୍ତ ସ୍ଥଗିତ ରହିବ ଲୋକସଭା ।
ସୋମବାର ଦୁଇ ବରିଷ୍ଠ ନେତାଙ୍କୁ ଲୋକସଭା ସଦସ୍ୟମାନେ ଶ୍ରଦ୍ଧାଞ୍ଜଳି ଦେବା ପାଇଁ କିଛି ସମୟ ଶୋକ ପ୍ରାର୍ଥନା କରିଥିଲେ । ଏଥିସହ ଲୋକସଭା ବାଚସ୍ପତି ଓମ୍ ବିର୍ଲା ଶୋକ ବାର୍ତ୍ତା ପଢିଥିଲେ ।
ସେ କହିଥିଲେ ରାମଚନ୍ଦ୍ର ପାସୱନ ଜଣେ ବିଜ୍ଞ ରାଜନେତା ଥିଲେ । ଯିଏ ଦଳିତ ଏବଂ ପଛୁଆ ଜାତି ପାଇଁ ବହୁ ଉନ୍ନତି କରିଛନ୍ତି । ଏଥିସହ ଚାରି ଥର ସାଂସଦ ରହିଥିବା ରାମ ଚନ୍ଦ୍ର ପାସୱନ ସମସ୍ତିପୁରରୁ ଲୋକ ଜନଶକ୍ତି ପାର୍ଟୀରୁ ପ୍ରାର୍ଥୀ ଚୟନ ହୋଇଥିଲେ ।
ଏଥିସହ ସେ ଦିଲ୍ଲୀ ପୂର୍ବ ମୁଖ୍ୟମନ୍ତ୍ରୀ ଶୀଲା ଦିକ୍ଷିତଙ୍କ ଶୋକ ବାର୍ତ୍ତା ପଢି କହିଥିଲେ ଶୀଲା ଦିକ୍ଷିତ ଦେଶରେ ସବୁଠାରୁ ଦୀର୍ଘ ସମୟ ଧରି ମୁଖ୍ୟମନ୍ତ୍ରୀ ପଦରେ ଥିବା ମହିଳା ଥିଲେ । ଏଥିସହ ସେ କେରଳର ରାଜ୍ୟପାଳ ମଧ୍ୟ ଥିଲେ ।
ପ୍ରକାଶ ଥାଉକି, ଗତ ଶନିବାର ଦିଲ୍ଲୀ ପୂର୍ବ ମୁଖ୍ୟମନ୍ତ୍ରୀ ଶୀଲା ଦିକ୍ଷିତ ହୃଦଘାତରେ ତାଙ୍କର ଶେଷ ନିଶ୍ବାସ ତ୍ୟାଗ କରିଥିଲେ । ସେହିପରି ଲୋକସଭା ସାଂସଦ ଥିବା ରାମଚନ୍ଦ୍ର ପାସୱନ ଗତ ରବିବାର ହୃଦଘାତରେ ତାଙ୍କର ଶେଷ ନିଶ୍ବାସ ତ୍ୟାଗ କରିଥିଲେ ।
