ଲକ୍ଷ୍ନୌ: ନୋଏଡାରେ ରହୁଥିବା କାନୁପ୍ରିୟା ନାମକ ଜଣେ ମହିଳା ସୋମବାର ରାତିରେ ତାଙ୍କ ଟ୍ୱିଟରୁ ସରକାରୀ କର୍ମଚାରୀଙ୍କ ସମେତ ଲୋକଙ୍କ ଦୃଷ୍ଟି ଆକର୍ଷଣ କରିଥିଲେ। କାନୁପ୍ରିୟା କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନ, ସାଂସଦ ବରୁଣ ଗାନ୍ଧୀ ଏବଂ ୟୁପିର ମୁଖ୍ୟ ସଚିବ ତଥା ଡିଏମ ପିଲିଭୀତ ବୈଭବ ଶ୍ରୀବାସ୍ତବଙ୍କୁ ଏକ ଟ୍ୱିଟ କରିଥିଲେ।
ସେ ଟ୍ବିଟରେ ଲେଖିଥିଲେ, ତାଙ୍କ ଶ୍ୱଶୁର ପିଲିଭୀତରେ ରୁହନ୍ତି ଏବଂ ସେ ହୃଦଘାତରେ ପୀଡ଼ିତ । ତେଣୁ ଏପ୍ରିଲ 10 ସୁଦ୍ଧା ତାଙ୍କ ଶ୍ବଶୁରଙ୍କ ପାଖରେ ମେଡିସିନ୍ ପହଞ୍ଚିବା ଆବଶ୍ୟକ। ତେବେ ମହିଳାଙ୍କ ଟ୍ୱିଟ ଦେଖିବା ପରେ ଜିଲ୍ଲା ପ୍ରଶାସନ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ । ଏଥିସହ ଗତ ମଙ୍ଗଳବାର ମହିଳାଙ୍କୁ କଣ୍ଟ୍ରୋଲ ରୁମ ସହିତ ଯୋଗାଯୋଗ କରିବାକୁ ସରକାର କହିଥିଲେ । କିନ୍ତୁ କଣ୍ଟ୍ରୋଲ ରୁମ ନମ୍ବର କ୍ରମାଗତ ବ୍ୟସ୍ତ ଥିବା ମହିଳା ଜଣକ କହିଥିଲେ ।