ନୂଆଦିଲ୍ଲୀ: ଦେଶରେ ଆର୍ଥିକ ମାନ୍ଦାବସ୍ଥା ଜାରି ରହିଥିବା ବେଳେ ଏବେ ଏହାକୁ ନେଇ ମୁହାଁମୁହିଁ ପରିସ୍ଥିତି ଉପୁଜିଲାଣି । କିଛିଦିନ ତଳେ ଦେଶର ଆର୍ଥିକ ମାନ୍ଦାବସ୍ଥାକୁ ନେଇ ଆରବିଆଇର ପୂର୍ବତନ ଗଭର୍ଣ୍ଣର ରଘୁରାମ ରାଜନ ମୁହଁ ଖୋଲିବା ପରେ ଏହାକୁ ନେଇ ତିକ୍ତତା ଦେଖାଦେଇଛି । ଅର୍ଥମନ୍ତ୍ରୀ ନିର୍ମଳା ସୀତାରମଣ ସିଧାସଳଖ ରାଜନଙ୍କୁ ଟାର୍ଗେଟ କରିଛନ୍ତି ।
କଲମ୍ବିଆ ବିଶ୍ବବିଦ୍ୟାଳୟର ଏକ କାର୍ଯ୍ୟକ୍ରମରେ ଯୋଗ ଦେଇ ସେ କହିଛନ୍ତି, ଯେତେବେଳେ ରିଜର୍ଭ ବ୍ୟାଙ୍କର ଗଭର୍ଣ୍ଣର ରାଜନ ଥିଲେ ସେତେବେଳେ ଦେଶର ସରକାରୀ ବ୍ୟାଙ୍କ ଗୁଡିକ ଦୟନୀୟ ଅବସ୍ଥାକୁ ଚାଲିଆସିଥିଲା । କେବଳ ଏତିକି ସେତେବେଳେ ବ୍ୟବସ୍ଥା ଏମିତି ଥିଲେ ଯେ, କେବଳ ଗୋଟିଏ ଫୋନ କଲ ମାଧ୍ୟମରେ ଲୋନ ମିଳୁଥିଲା ଯାହାର ଦଣ୍ଡ ଏବେ ସରକାରୀ ବ୍ୟାଙ୍କ ମାନେ ଏବେ ଭୋଗୁଛନ୍ତି ।