ବିହାର ବିଧାନସଭା ନିର୍ବାଚନ: ପ୍ରଥମ ପର୍ଯ୍ୟାୟରେ 53.54% ମତଦାନ

20:01 October 28

ବିହାର ବିଧାନସଭା ନିର୍ବାଚନ: ପ୍ରଥମ ପର୍ଯ୍ୟାୟରେ 53.54% ମତଦାନ

ବିହାର ବିଧାନସଭା ନିର୍ବାଚନ: ପ୍ରଥମ ପର୍ଯ୍ୟାୟରେ 53.54% ମତଦାନ

ବିହାର ବିଧାନସଭା ନିର୍ବାଚନ ପାଇଁ 71ଟି ଆସନରେ ମୋଟ 53.54 ପ୍ରତିଶତ ମତଦାନ ହୋଇଥିବା ଜଣାପଡିଛି । 

18:48 October 28

ବିହାର ବିଧାନସଭା ନିର୍ବାଚନ: ସଂଧ୍ୟା 5ଟା ସୁଦ୍ଧା 51.91% ମତଦାନ

ବିହାର ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ଶେଷ ହୋଇସାରିଛି । ତେବେ ସଂଧ୍ୟା 5ଟା ସୁଦ୍ଧା ବିହାରରେ 51.91% ମତଦାନ ହୋଇଥିବା ଜଣାପଡିଛି ।

16:10 October 28

ବିହାର ବିଧାନସଭା ନିର୍ବାଚନ: ବର୍ତ୍ତମାନସୁଦ୍ଧା 16 ଜିଲ୍ଲାରେ 46.29% ମତଦାନ

ବିହାରର ଦିନ 3ଟା ସୁଦ୍ଧ 16 ଜିଲ୍ଲାରେ 46.29 ପ୍ରତିଶତ ମତଦାନ ହୋଇଛି । ସେହିପରି ନିର୍ବାଚନ ଆୟୋଗଙ୍କ ସୂଚନା ଅନୁଯାୟୀ 27ଟି ଆସନରେ ଅପରାହ୍ନ 4ଟାରେ ମତଦାନ ଶେଷ ହୋଇଛି । ଏଥିମଧ୍ୟରୁ 4ଟି ଆସନରେ ମତଦାନ ଦିନ 3ଟାରୁ ଶେଷ ହୋଇସାରିଛି । ତେବେ ବାକି ଆସନରେ ସଂଧ୍ୟା 6ଟା ସୁଦ୍ଧ ମତଦାନ ଶେଷ ହୋଇଯିବ ବୋଲି ଜଣାପଡିଛି ।

15:08 October 28

ବିହାର ବିଧାନସଭା ନିର୍ବାଚନ: ଦିନ 1ଟା ସୁଦ୍ଧା 33% ମତଦାନ

ବିହାର ବିଧାନସଭା ନିର୍ବାଚନ ପାଇଁ 16 ଜିଲ୍ଲାର 71 ଆସନରେ ଜାରି ରହିଛି ମତଦାନ ପ୍ରକ୍ରିୟା । ତେବେ ଦିନ ଗୋଟାଏ ସୁଦ୍ଧା 33 ପ୍ରତିଶତରୁ ଅଧିକ ମତଦାନ ହୋଇଥିବା ଜଣା ପଡିଛି । ଜମୁଇର 2ଟି ବୁଥରେ 6 ଘଣ୍ଟା ପର୍ଯ୍ୟନ୍ତ ମତଦାନ ବାଧାପ୍ରାପ୍ତ ହୋଇଥିଲା । 

12:34 October 28

ନିର୍ବାଚନ ଆୟୋଗଙ୍କ କଡା ନିର୍ଦ୍ଦେଶ । ଯେଉଁମାନେ ବୁଥ ଭିତରକୁ ମୋବାଇଲ ଆଣୁଛନ୍ତି ତାଙ୍କ ବିରୋଧରେ ନିଅ କଡା କାର୍ଯ୍ୟାନୁଷ୍ଠାନ । ସମସ୍ତ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଲେ ନିର୍ବାଚନ ଆୟୋଗ । ନିର୍ବାଚନ ଆରମ୍ଭରୁ ସୋସିଆଲ ମିଡିଆରେ ଭାଇରାଲ ହେଉଛି ଭୋଟ ଦେଉଥିବାର ଫଟୋ ।

11:08 October 28

ସକାଳ 11ଟା ସୁଦ୍ଧା 9.3 ପ୍ରତିଶତ ମତଦାନ

ଜାରି ରହିଛି ପ୍ରଥମ ପର୍ଯ୍ୟାୟ ନିର୍ବାଚନ । ସକାଳ 11ଟା ସୁଦ୍ଧା 9.3 ପ୍ରତିଶତ ମତଦାନ ରେକର୍ଡ ।

10:54 October 28

ବିଜେପି ପ୍ରାର୍ଥୀ ପ୍ରେମ କୁମାରଙ୍କ ବିରୋଧରେ ରୁଜୁ ହେବ ଆଚରଣ ବିଧି ଉଲଂଘନ ମାମଲା

ବିଜେପି ପ୍ରାର୍ଥୀ ପ୍ରେମ କୁମାରଙ୍କ ବିରୋଧରେ ରୁଜୁ ହେବ ଆଚରଣ ବିଧି ଉଲଂଘନ ମାମଲା । ମତଦାନ ଦେବାକୁ ବିଜେପି ଚିହ୍ନ ଚିତ୍ରିତ ମାସ୍କ ପିନ୍ଧି ଆସିଥିବାରୁ ହୋଇଛି ଅଭିଯୋଗ । ଜିଲ୍ଲାପାଳଙ୍କୁ ଆଚରଣ ବିଧି ଉଲଂଘନ ମାମଲା କରିବାକୁ ନିର୍ବାଚନ ବିଭାଗର ସୁପାରିଶ ।

09:52 October 28

ଭୋଟ ଦେଲେ ବିଜେପି ପ୍ରାର୍ଥୀ ଶ୍ରେୟାସୀ ସିଂ

ଭୋଟ ଦେଲେ ବିଜେପି ପ୍ରାର୍ଥୀ ଶ୍ରେୟାସୀ ସିଂ

ବିହାର ଜମୁଇ ବିଧାନସଭାର ବିଜେପି ପ୍ରାର୍ଥୀ ତଥା ସୁଟର ଶ୍ରେୟାସୀ ସିଂ ମତଦାନ ସାବ୍ୟସ୍ତ କରିଛନ୍ତି । ନୟା ଗାଓଁ ଅଞ୍ଚଳର ଏକ ବୁଥରେ ସେ ଭୋଟ ଦେଇଛନ୍ତି ।

09:38 October 28

ଭୋଟ ଦେବାକୁ ସାଇକେଲରେ ଆସିଲେ ମନ୍ତ୍ରୀ

ଭୋଟ ଦେବାକୁ ସାଇକେଲରେ ଆସିଲେ ବିହାରର ମନ୍ତ୍ରୀ ପ୍ରେମ କୁମାର । ଗୟା ବିଧାନସଭା କ୍ଷେତ୍ରରେ ଲଢୁଛନ୍ତି ପ୍ରେମ କୁମାର।

09:27 October 28

ସକାଳ 9ଟା ସୁଦ୍ଧା 5.3 ପ୍ରତିଶତ ମତଦାନ

ଜାରି ରହିଛି ପ୍ରଥମ ପର୍ଯ୍ୟାୟ ନିର୍ବାଚନ । ସକାଳ 9ଟା ସୁଦ୍ଧା 5.3 ପ୍ରତିଶତ ମତଦାନ ରେକର୍ଡ । ସେପଟେ ଗୟା ସହରର ସଖରାଜପୁରୀ ରୋଡ ଅଞ୍ଚଳର 133 ନମ୍ବର ବୁଥରେ ମହିଳା ଭୋଟରଙ୍କ ହଙ୍ଗାମା । 

09:20 October 28

ଜାରି ରହିଛି ବିଧାନସଭା ପ୍ରଥମପର୍ଯ୍ୟାୟ ଭୋଟ ଗ୍ରହଣ

ଜାରି ରହିଛି ବିଧାନସଭା ପ୍ରଥମପର୍ଯ୍ୟାୟ ଭୋଟ ଗ୍ରହଣ । ଦିବ୍ୟାଙ୍ଗ ଓ ବୟସ୍କ ଲୋକଙ୍କୁ ଭୋଟ ଦେବାରେ ସହାୟତା କରୁଛନ୍ତି ସିଆରପିଏଫ ଯବାନ । 

09:15 October 28

ଏଭିଏମ ଖରାପ, ବିଳମ୍ବରେ ଆରମ୍ଭ ହେଲା ମତଦାନ

ଜେହନାବାଦର 170 ନମ୍ବର ବୁଥରେ ଇଭିଏମ ଖରାପ ପାଇଁ ବିଳମ୍ବରେ ଆରମ୍ଭ ହୋଇଛି ମତଦାନ । ଧାଡିରେ ଆସି ଭୋଟ ଦେଉଛନ୍ତି ଭୋଟର ।

08:29 October 28

ପ୍ରଥମେ ମତଦାନ, ପରେ ଜଳପାନ

ପ୍ରଥମେ ମତଦାନ, ପରେ ଜଳପାନ

ବିହାରରେ ପ୍ରଥମ ପର୍ଯ୍ୟାୟ ମତଦାନକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଟ୍ବିଟ୍‌ । କୋରୋନା କଟକଣା ମଧ୍ୟରେ ସମସ୍ତେ ନିଜର ମତ ସାବ୍ୟସ୍ତ କରିବାକୁ କଲେ ଅନୁରୋଧ । ଦୁଇ ଗଜ ଦୂରତା ରଖିବା ସହ ମାସ୍କ ପିନ୍ଧି ଭୋଟ ଦେବାକୁ ଯିବା ପାଇଁ କହିଲେ ପ୍ରଧାନମନ୍ତ୍ରୀ । ଏହାସହ ପ୍ରଥମେ ମତଦାନ, ପରେ ଜଳପାନ ବୋଲି କହି ଟ୍ବିଟ୍‌ କରିଛନ୍ତି ମୋଦି । 

08:24 October 28

ଲକିସରାଇରେ ନିଜ ମତ ସାବ୍ୟସ୍ତ କଲେ କେନ୍ଦ୍ରମନ୍ତ୍ରୀ ଗିରିରାଜ ସିଂ

ଲକିସରାଇରେ ନିଜ ମତ ସାବ୍ୟସ୍ତ କଲେ କେନ୍ଦ୍ରମନ୍ତ୍ରୀ ଗିରିରାଜ ସିଂ

ବିହାରରେ ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ଭୋଟ ଗ୍ରହଣ ଚାଲିଛି । ଲକିସରାଇରେ ନିଜ ମତ ସାବ୍ୟସ୍ତ କରିଛନ୍ତି କେନ୍ଦ୍ରମନ୍ତ୍ରୀ ଗିରିରାଜ ସିଂ । ଏହା ପୂର୍ବରୁ ସେ ମନ୍ଦିର ଯାଇ ପୂଜାର୍ଚ୍ଚନା କରିଥିବା ଦେଖିବାକୁ ମିଳିଥିଲା । 

08:10 October 28

ପ୍ରଥମ ଘଣ୍ଟାରେ 2.4 ପ୍ରତିଶତ ମତଦାନ

ବିହାରରେ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ସମୟରେ ପ୍ରଥମ ଘଣ୍ଟାରେ 2.4 ପ୍ରତିଶତ ମତଦାନ ହୋଇଛି । ସକାଳ 7ଟାରୁ ଭୋଟ ଗ୍ରହଣ ହୋଇଥିବାବେଳେ 8ଟା ସୁଦ୍ଧା 2.4 ପ୍ରତିଶତ ମତଦାନ ହୋଇଥିବା ସୂଚନା ମିଳିଛି ।

07:49 October 28

ସମସ୍ତ ବୁଥ ହୋଇଛି ସାନିଟାଇଜ୍‌

କୋରୋନା କାଳରେ ହେଉଛି ପ୍ରଥମ ବିଧାନସଭା ନିର୍ବାଚନ ।  31,371ଟି ବୁଥରେ ଭୋଟ ଦେଉଛନ୍ତି ଲୋକେ । ସମସ୍ତ ବୁଥ କରାଯାଇଛି ସାନିଟାଇଜ୍‌ ।

07:45 October 28

ଆରମ୍ଭରୁ ଇଭିଏମ ଖରାପ

ଭୋଟ ଆରମ୍ଭରୁ ଇଭିଏମ ଖରାପ । ଲକିସରାଇର 168 ନମ୍ବର ବୁଥରେ ଇଭିଏମ୍‌ ଖରାପ ହୋଇଥିବା ସୂଚନା । 

07:06 October 28

ବିହାର ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ଆରମ୍ଭ

ପାଟନା: ବିହାର ବିଧାନସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ମତଦାନ ଆରମ୍ଭ । 71 ଟି ବିଧାନସଭା ଆସନ ପାଇଁ ଭୋଟ ଦେବେ 2,14,6096 ଜଣ ଭୋଟର । ସନ୍ଧ୍ୟା 6ଟା ଯାଏ ଚାଲିବ ମତଦାନ ପ୍ରକ୍ରିୟା । ମୈଦାନରେ ଅଛନ୍ତି 1066ଜଣ ପ୍ରାର୍ଥୀ । 

71ଟି ଆସନରୁ  1066ଜଣ ପ୍ରାର୍ଥୀ ମୈଦାନରେ ରହିଛନ୍ତି । ଏହି ଆସନ ଗୁଡିକରେ ମହାମେଣ୍ଟ ଓ ଏନଡିଏ ମଧ୍ୟରେ କଡା ଟକ୍କର ଦେଖିବାକୁ ମିଳିବ । 71ଟି ଆସନରୁ ମହାମେଣ୍ଟ ପକ୍ଷରୁ କଂଗ୍ରେସ 21ଟି, ଆରଜେଡି 42ଟି ଓ ସିପିଆଇ(ଏମଏଲ)8ଟି ଆସନରେ ପ୍ରାର୍ଥୀ ଦେଇଛି। ସେହିପରି ଏନଡିଏ ପକ୍ଷରୁ ଜେଡିୟୁ 35ଟି, ବିଜେପି 29ଟି, ଏଚଏଏମ6ଟି ଓ ଭିଆଇପି ଗୋଟିଏ ଆସନରେ ନିଜ ପ୍ରାର୍ଥୀଙ୍କୁ ଓହ୍ଲାଇଛି । ଅନ୍ୟପଟେ ଏଲଜେପି 42ଟି, ଆରଏଲଏସପି 43ଟି ଓ ବିଏସପି 27ଟି ଆସନରେ ପ୍ରାର୍ଥୀ ଛିଡା କରିଛି ।  

71ଟି ସିଟ୍‌ ମଧ୍ୟରୁ 14ଟି ସିଟ୍‌ ସଂରକ୍ଷିତ ରହିଛି । ଭୋଟଗ୍ରହଣ ସକାଳ 7ଟାରୁ ଆରମ୍ଭ ହୋଇଥିବାବେଳେ ମତଦାନର ଶେଷ ପାଇଁ ଭିନ୍ନ ଭିନ୍ନ କ୍ଷେତ୍ରରେ ଭିନ୍ନ ଭିନ୍ନ ସମୟ ଦିଆଯାଇଛି ।