ନୂଆଦିଲ୍ଲୀ: ଆଜି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ଜନ୍ମ ଜୟନ୍ତୀ । 1944, ଅଗଷ୍ଟ 20 ତାରିଖ ଆଜିର ଦିନରେ ଜନ୍ମଗ୍ରହଣ କରିଥିବା ରାଜୀବ ଗାନ୍ଧୀ । ଅକ୍ଟୋବର 1984 ରେ କାର୍ଯ୍ୟଭାର ଗ୍ରହଣ କରିବା ସମୟରେ ଭାରତର ସର୍ବ କନିଷ୍ଠ ପ୍ରଧାନମନ୍ତ୍ରୀ ହୋଇଥିଲେ। ସେ ଡିସେମ୍ବର 2, 1989 ପର୍ଯ୍ୟନ୍ତ ଭାରତର ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଥିଲେ।
1991 ମସିହାରେ ତାମିଲନାଡୁ ଶ୍ରୀପେରୁମ୍ବୁଦୁରର ଏକ ନିର୍ବାଚନ ପ୍ରଚାର ସମୟରେ ଲିବେରେସନ ଟାଇଗର୍ସ ଅଫ ତାମିଲ ଏଲାମ( LTTE) ଆତ୍ମଘାତୀ ବୋମା ଦ୍ୱାରା ତାଙ୍କୁ ହତ୍ୟା କରାଯାଇଥିଲା। କଂଗ୍ରେସ ଏହି ଦିନକୁ ସଦଭାବନା ଦିବସ ରୂପେ ମଧ୍ୟ ପାଳନ କରିଥାଏ ।
ଏହି ଅବସରରେ ତାଙ୍କ ପୁଅ ରାହୁଲ ଗାନ୍ଧୀ ତାଙ୍କୁ ମନେ ପକାଇ ଟ୍ବିଟ କରି ଏକ ଫଟୋ ଦେଇ ଲେଖିଛନ୍ତି ଯେ, ଦେଇଛନ୍ତି, 'ତାଙ୍କ ସମୟଠାରୁ ବହୁ ଆଗରେ ଥିଲେ, କିନ୍ତୁ ସର୍ବୋପରି ସେ ଜଣେ ଦୟାଳୁ ଏବଂ ସ୍ନେହୀ ବ୍ୟକ୍ତି ଥିଲେ। ମୁଁ ଅବିଶ୍ୱାସନୀୟ ଭାଗ୍ୟବାନ ଏବଂ ଗର୍ବିତ ଯେ ତୁମେ ମୋର ପିତା। ମୁଁ ଆଜି ଏବଂ ପ୍ରତିଦିନ ଆପଣଙ୍କୁ ମନେ ପକାଇଥାଏ'।