ରାଜଭବନରେ ଏନସିପି, ଶିବସେନା, କଂଗ୍ରେସ ନେତା

ଆଉ ମାତ୍ର କିଛି ସମୟ ପରେ ସୁପ୍ରିମକୋର୍ଟଙ୍କ ରାୟ ପ୍ରକାଶ ପାଇବାକୁ ଥିବାବେଳେ ଏପଟେ ରାଜଭବନରେ ପହଞ୍ଚିଛନ୍ତି ଏନସିପି, ଶିବସେନା, କଂଗ୍ରେସ ନେତା ।

ମୁମ୍ବାଇ: ରାଜ୍ୟପାଳ ଭଗତସିଂ କୋଶୟାରୀଙ୍କୁ ଭେଟିବାକୁ ରାଜଭବନରେ ପହଞ୍ଚିଲେ ଏନସିପି,ଶିବସେନା ଓ କଂଗ୍ରେସର ନେତା । ନିଜ ନିଜ ବିଧାୟକଙ୍କ ଶପଥ ପତ୍ର ରାଜ୍ୟପାଳଙ୍କ ନିକଟରେ ଦାଖଲ କରିବା ପାଇଁ ରାଜଭବନରେ ପହଞ୍ଚିଛନ୍ତି ।

ଅଶୋକ ଚୌହାନ, ଜୟନ୍ତ ପାଟିଲ, ଏକନାଥ ସିନ୍ଦେ ଓ ବାଲାସାହେବ ଥୋରାଟ କିଛି ସମୟ ମଧ୍ୟରେ ରାଜ୍ୟପାଳ କୋଶୟାରୀଙ୍କୁ ଭେଟିବେ । ଏହା ସହିତ ନିଜ ଦଳର ବିଧାୟକଙ୍କ ଶପଥ ପତ୍ର ମଧ୍ୟ ଦାଖଲ କରିବା ନେଇ ସୂଚନା ମିଳିଛି ।