କେନ୍ଦ୍ରାପଡା: କଡ ଲେଉଟାଉଛି କେନ୍ଦ୍ରାପଡା କୁରୁକ୍ଷେତ୍ର । ହାଇପ୍ରୋଫାଇଲ ସିଟରେ କମାଲ କରିପାରନ୍ତି ନବାଗତ ଅନୁଭବ । ଭୋଟଗଣତି ପ୍ରକ୍ରିୟା ଟ୍ରେଣ୍ଡିଙ୍ଗକୁ ଦେଖିଲେ କେନ୍ଦ୍ରାପଡାରେ ବିଜେଡି ଆଗେଇ ଆଗେଇ ଚାଲିଛି । ବିଜେଡି ପ୍ରାର୍ଥୀ ଅନୁଭବ ମହାନ୍ତି ବିଜେପି ପ୍ରାର୍ଥୀ ବୈଜୟନ୍ତ ପଣ୍ଡାଙ୍କଠାରୁ ଏବେ ଢେର ଆଗରେ । ତେବେ ମିଳିଥିବା ସୂଚନା ମୁତାବକ, 40 ହଜାରରୁ ଊର୍ଦ୍ଧ୍ବ ଭୋଟରେ ଆଗରେ ଅଛନ୍ତି ଅନୁଭବ ।
ଗୋଟିଏପଟେ ଭୋଟ ଗଣତି ଚାଲିଥିବାବେଳେ ଅନୁଭବ ଲିଡ୍ କରୁଛନ୍ତି ଏବଂ ବୈଜୟନ୍ତ ଟ୍ରେଲ୍ କରୁଛନ୍ତି । କେନ୍ଦ୍ରାପଡାରେ ଏହି ଟ୍ରେଣ୍ଡିଂ ରାଜ୍ୟ ସମେତ ଦେଶରେ ଚର୍ଚ୍ଚା ସୃଷ୍ଟି କରିଛି । ତେବେ ତମାମ ଅଙ୍କ କଷା ଏବଂ ସମୀକରଣକୁ ନେଇ ବିଜେଡିରେ ଉତ୍ସବ ମାହୋଲ ଖେଳି ଯାଇଥିବାବେଳେ ବିଜେପି କ୍ୟାମ୍ପରେ ନିରାଶା ପରିଲକ୍ଷିତ ହେଉଛି ।