ନୋଏଡା: ବିଶ୍ବର ସବୁଠୁ ବଡ ଅରଟ । ଯାହା ପ୍ରସ୍ତୁତ ହୋଇଛି ପ୍ଲାଷ୍ଟିକ ବର୍ଜ୍ୟବସ୍ତୁରୁ । ଉତ୍ତରପ୍ରଦେଶର ନୋଏଡା ମାଟିରେ ଛିଡା ହୋଇଥିବା ଏହି ଅରଟର ଓଜନ ପ୍ରାୟ 1650 କିଲୋଗ୍ରାମ । ଯାହାକି ପ୍ଲାଷ୍ଟିକ ବ୍ୟବହାର ନ କରିବାକୁ ବାର୍ତ୍ତା ଦେଉଛି । ମହାତ୍ମା ଗାନ୍ଧୀଙ୍କ 150ତମ ଜୟନ୍ତୀରେ ଏହାକୁ ଉଦଘାଟନ କରିଥିଲେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ।
ନୋଏଡାର ପ୍ଲାଷ୍ଟିକ ଅରଟ
ମହାମାୟା ଫ୍ଲାଏଓଭର ସେକ୍ଟର 94ରେ ସ୍ଥାପିତ ହୋଇଛି ଏହି ଅରଟ । ଯାହାର ଉଚ୍ଚତା 14ଫୁଟ, ଲମ୍ବ 20 ଫୁଟ ଓ ମୋଟେଇ 8 ଫୁଟ୍ ରହିଛି । ପ୍ଲାଷ୍ଟିକ ବର୍ଜ୍ୟବସ୍ତୁରୁ ନିର୍ମିତ ହୋଇଥିବା ଏହି ଅରଟ, ଇଣ୍ଡିଆ ବୁକ୍ ଅଫ୍ ରେକର୍ଡ୍ସ ଓ ଏସିଆ ବୁକ୍ ଅଫ ରେକର୍ଡ୍ସରେ ସ୍ଥାନ ପାଇବାରେ ହୋଇଛି ସଫଳ ।