ପାଟଣା: ଚଳିତ ବର୍ଷ ଅନ୍ତିମ ବେଳକୁ ବିହାର ବିଧାନସଭା ନିର୍ବାଚନ ଅନୁଷ୍ଠିତ ହେବ । ନିର୍ବାଚନୀ ବିଗୁଲ ବାଜିବା ପୂର୍ବରୁ ପୋଷ୍ଟର ଓ ବ୍ୟାନର ମାଧ୍ୟମରେ ଭୋଟରଙ୍କୁ ଆକର୍ଷିତ କରାଯାଉଛି । ଆରଜେଡିର ରାଜ୍ୟ କାର୍ଯ୍ୟାଳୟରେ ଏକ ବଡ ପୋଷ୍ଟର ଲଗାଯାଇଛି । ଯାହାକୁ ନେଇ ଏବେ ସବୁଠି ଚର୍ଚ୍ଚାର ବିଷୟ ପାଲଟିଛି ।
ଆରଜେଡିର ଏହି ପୋଷ୍ଟରରେ ଆରଜେଡି ସଭାପତି ଲାଲୁ ପ୍ରସାଦ ଯାଦବଙ୍କ ଫଟୋକୁ ହଟେଇ ଦିଆଯାଇଛି । ଏହି ପୋଷ୍ଟରରେ ଲାଲୁଙ୍କ ସାନ ପୁଅ ତଥା ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ବୀ ପ୍ରତାପଙ୍କ ଫଟୋ ଲାଗିଛି । ବର୍ତ୍ତମାନ ତେଜସ୍ବୀ ଏନଡିଏ ବିରୋଧୀ ଦଳର ନେତୃତ୍ବ ନେଇଛନ୍ତି । ଏଥିରେ ’’ନୂଆ ଚିନ୍ତାଧାରା, ନୂଆ ବିହାର’’ , ଏଥର ଯୁବ ସରକାର ବୋଲି ଲେଖାଯାଇଛି । ଆରଜେଡିର ସଭାପତି ଲାଲୁ ଏବେ ଚାରା ଘୋଟାଲାରେ ଝାଡଖଣ୍ଡର ରାଞ୍ଚି ଜେଲରେ ଦଣ୍ଡ ଭୋଗୁଛନ୍ତି ।