ଅମରାବତୀ: ଅନେକ ଦିନରୁ ଭଙ୍ଗା ଓ ପରିତ୍ୟକ୍ତ ଅବସ୍ଥାରେ ପଡିଥିବା ଏକ ଘରୁ ମିଳିଲା ବିପୁଳ ପରିମାଣର ଟଙ୍କା । ଘରେ ରହୁଥିବା ଏକ ବ୍ରାହ୍ମଣର ମୃତ୍ୟୁ ପରେ ଏହି ଟଙ୍କା ମିଳିଛି ।
ଭିଡିଓ ସୌଜନ୍ୟ: ଇଟିଭି ଭାରତ
ପୂର୍ବ ଗୋଦାବରୀରେ ସୁବ୍ରମଣ୍ୟମ ନାମକ ଜଣେ ବ୍ରାହ୍ମଣର ମୃତ୍ୟ ହୋଇଯାଇଛି । ବ୍ରାହ୍ମଣ ଜଣକ ଅନେକ ବର୍ଷରୁ ତୁନି ସହରର ମୁକ୍ତି ଲଙ୍ଗାୟଗିରି ରାସ୍ତାରେ ଥିବା ଏକ ପରିତ୍ୟକ୍ତ ଓ ଭଙ୍ଗାଘରେ ରହୁଥିଲା । ବ୍ରାହ୍ମଣର ମୃତ୍ୟୁ ପରେ ସ୍ଥାନୀୟ ଲୋକେ ପୁଅକୁ ଖବର ଦେଇଥିଲେ । ଅନ୍ତିମ ସଂସ୍କାର ମଧ୍ୟ କରାଗଲା । ପରେ ସେହି ଘରୁ ବାହାରିଲା ବିପୁଳ ପରିମାଣର ଟଙ୍କା ବସ୍ତା । ଟଙ୍କାର ପରିମାଣ ଏତେ ଅଧିକ ଥିଲା ଯେ ଗଣୁ ଗଣୁ ଦ୍ବିପହରରୁ ରାତି ହୋଇ ଯାଇଥିଲା । ହେଲେ ଟଙ୍କା ଗଣା ସରି ପାରିନଥିଲା । ଘରେ ଲକ୍ଷାଧିକ ଟଙ୍କା ରହିଥିବା ଅନୁମାନ କରାଯାଉଛି ।