ନୂଆଦିଲ୍ଲୀ: ନିର୍ବାଚନକୁ ନେଇ ଜୋର ଧରିଛି ପ୍ରଚାର। ଆଉ ଏଥିପାଇଁ ସବୁ ରାଜନୈତିକ ଦଳ ନିଜ ନିଜ ପ୍ରଚାରକୁ କିଛି ହଟକେ କରି ଦଳ ପାଇଁ ମାଗିଛନ୍ତି ଭୋଟ। ୟୁପିର କୁଶିନଗର ସଂସଦୀୟ କ୍ଷେତ୍ର ପାଇଁ କିଛି ନିଆରା ଢଙ୍ଗରେ ନିଜ ପ୍ରଚାର କରିଛନ୍ତି କଂଗ୍ରେସ ପ୍ରାର୍ଥୀ ଆରପିଏନ ସିଂହ । ସେ ନିଜ ହାତରେ ପକୁଡି ଓ ଜିଲାପି ଛାଣିବା ସହ ନିଜ ପ୍ରଚାର କରିଛନ୍ତି ।
ଆରପିଏନ ସିଂହ ରବିବାର କୁଶିନଗରର ହୋରଲାପୁର ଗାଁରେ ଆୟୋଜିତ ଏକ ମେଳାରେ ପକୁଡି ଏବଂ ଜିଲାପି ଛାଣୁଥିବା ଦେଖାଯାଇଛନ୍ତି । ଏଭଳି କରି ସେ ଗୋଟିଏ ଗୁଳିରେ ଦୁଇଟି ଶିକାର କରିଛନ୍ତି । ପିଏମ ମୋଦିଙ୍କ ରୋଜଗାର ମୁଦ୍ଦା ଉପରେ ପକୁଡି ବିକୁଥିବା ବୟାନ ଦେଇ ବିଜେପିକୁ କଟାକ୍ଷ କରିବା ସହ ଜନତାଙ୍କ ନିକଟତର ହୋଇ କଂଗ୍ରେସ ପାଇଁ ପ୍ରଚାର କରିଛନ୍ତି ।