ନୂଆଦିଲ୍ଲୀ: କୋଟାକ ମହିନ୍ଦ୍ରା ବ୍ୟାଙ୍କ ଓ ପରିଚାଳନା ନିର୍ଦ୍ଦେଶକ ଉଦୟ କୋଟାକଙ୍କ ପକ୍ଷରୁ ପ୍ରଧାନମନ୍ତ୍ରୀ କେୟାର ଫଣ୍ଡକୁ 50 କୋଟି ଟଙ୍କା ପ୍ରଦାନ କରାଯାଇଛି । କୋଟାକ ମହିନ୍ଦ୍ରା ବ୍ୟାଙ୍କ ପକ୍ଷରୁ 25 କୋଟି ଓ ଏମଡି ଉଦୟ କୋଟାକଙ୍କ ପକ୍ଷରୁ 25 କୋଟି ପ୍ରଦାନ କରାଯାଇଥିବା ନେଇ ବ୍ୟାଙ୍କ ପ୍ରକାଶ କରିଛି ।
କୋରୋନା ମୁକାବିଲା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ କେୟାର ଫଣ୍ଡ ଘୋଷଣା କରିଛନ୍ତି । ଏଥିରେ ସହାୟତା ପ୍ରଦାନ କରିବାକୁ ଦେଶବାସୀଙ୍କୁ ନିବେଦନ କରିଛନ୍ତି । ଦେଶର ବହୁ ରାଜନେତା, ଅଭିନେତା, ଶିଳ୍ପପତି ଓ ସାଧାରଣ ଜନତା ଏହି ପାଣ୍ଠିକୁ ସହାୟତା ପ୍ରଦାନ କରୁଥିବା ଦେଖିବାକୁ ମିଳିଛି ।