ମହାମାରୀ ମୁକାବିଲାରେ ଡାକ୍ତରଙ୍କ ମହାନତା, ନବଜାତ ର ନାଁ ଦେଲେ କୋରୋନାଶ୍

କୋଭିଡ୍-19ର ମୁକାଵିଲାରେ ହିରୋ ସାଜିଛନ୍ତି ଡାକ୍ତର। ମହାମରୀ ମୁକାବିଲାରେ ସମୟରେ ଜଣେ ଡାକ୍ତର ଗର୍ଭବତୀଙ୍କୁ ସାହାଯ୍ୟ କରି, ନବଜାତ ର ନାଁ ଦେଲେ କୋରୋନାଶ୍।

କୋଲକାତା: କୋଭିଡ୍-19ର ମୁକାଵିଲାରେ ହିରୋ ସାଜିଛନ୍ତି କୋଲକତାର ଜଣେ ଡାକ୍ତର। ତାଙ୍କର ମହାନତା ପାଇଁ ଏବେ ଦେଶଵ୍ୟାପି ଶୁଭେଚ୍ଛାର ସୁଅ ଛୁଟୁଛି। ଏକ କାର୍ ଡ୍ରାଇଭରଙ୍କ ପତ୍ନୀ ଶିଖା ମଣ୍ଡଲ୍ ଗର୍ଭଜନିତ ଯନ୍ତ୍ରଣାରେ ଅସୁବିଧା ଭୋଗୁଥିଲେ। କୋଲକାତାର ଦକ୍ଷିଣ ପାର୍ଶ୍ୱରେ ଠାକୁରପୁକୁରର ଡାକ୍ତର କୌସିକ୍ ରୟ ଚୌଧୁରୀ ତାଙ୍କୁ ସହଯୋଗ କରି ନିଜର ମହାନତାର ପରିଚୟ ଦେଇଛନ୍ତି।

ସୂଚନାଯୋଗ୍ୟ ଏପ୍ରିଲ୍ ୭ ରେ ଯେତେବେଳେ ମହିଳା ଜଣକ ପ୍ରସବ ବେଦନା ଅନୁଭବ କରୁଥିଲେ, ସେତେବେଳେ ତାଙ୍କ ସ୍ୱାମୀ ଗୌରବ ମଣ୍ଡଲ୍ ଡାକ୍ତରଙ୍କ ନିକଟକୁ ଦୌଡ଼ିଥିଲେ କିନ୍ତୁ କେହି ଉପଲବ୍ଧ ନଥିଲେ। କିଛି ବନ୍ଧୁଙ୍କ ପରାମର୍ଶରେ କାର୍ଯ୍ୟ କରି ସେ ରୟ ଚୌଧୁରୀଙ୍କ ନିକଟକୁ ଯାଇଥିଲେ।

ଡାକ୍ତର ତୁରନ୍ତ ଏକ ଘରୋଇ ନର୍ସିଂହୋମରେ ସର୍ବନିମ୍ନ ମୂଲ୍ୟରେ ଶିଶୁର ପ୍ରସବ ପାଇଁ ବ୍ୟବସ୍ଥା କଲେ। ତେବେ ଆମ୍ବୁଲାନ୍ସ ଏବଂ ଟ୍ୟାକ୍ସି ଉପଲବ୍ଧ ନ ଥିବାରୁ ଶିଖାଙ୍କୁ ବେହାଲାର ନର୍ସିଂହୋମକୁ ନେବା ଏକ ସମସ୍ୟା ହୋଇଗଲା। ଡାକ୍ତର ନିଜର କାର୍ ଦେଇଥିଲେ।

ଏପ୍ରିଲ୍ ୭ ସନ୍ଧ୍ୟାରେ ଏକ ବାଳକ ଜନ୍ମ କରିବା ପରେ ରୟ ଚୌଧୁରୀ ଏହି ଶିଶୁର ନାମ 'କୋରୋନାଶ୍' ରଖିଥିଲେ, ଯାହା ବଙ୍ଗାଳୀରେ ଅର୍ଥାତ୍ କୋରୋନାକୁ ନଷ୍ଟ କରୁଥିବା ବ୍ୟକ୍ତି। ସେ ମଧ୍ୟ କୌଣସି ବୃତ୍ତିଗତ ଶୁଳ୍କ ନେଇ ନାହାଁନ୍ତି ବୋଲି ଗୌରବ କହିଛନ୍ତି।