କୋଲକାତା: କୋରୋନା କାଳରେ ପଶ୍ଚିମବଙ୍ଗରେ ସକ୍ରିୟ ହୋଇ ଉଠିଛନ୍ତି ଚୋରା ଚାଲାଣକାରୀ । ପୁଣି 25 ଟି ମୂଲ୍ୟବାନ ଓ ଐତିହାସିକ ମୂର୍ତ୍ତି ଜବତ କରିଛି କୋଲକାତା କଷ୍ଟମ ବିଭାଗ । ଯାହାର ମୂଲ୍ୟ ପ୍ରାୟ 35 କୋଟି 30 ଲକ୍ଷ ବୋଲି ଅନୁମାନ କରାଯାଉଛି ।
ତଦନ୍ତରୁ ଜଣାପଡିଛି ଯେ ପଶ୍ଚିମବଙ୍ଗର ଦକ୍ଷିଣ ଦିନାଜପୁର ଜିଲ୍ଲାରୁ ବାଂଲାଦେଶକୁ ଏହା ଚୋରା ଚାଲାଣ ହେଉଥିଲା । ଏଥିରେ ରହିଥିଲା 7ଟି ଭଗବାନଙ୍କ ପ୍ରତିମା, ହିନ୍ଦୁ ଏବଂ ଜୈନ ମନ୍ଦିର ଆକାରରେ ଅଷ୍ଟ ଧାତୁର 7 ପ୍ରତିମା ଏବଂ 9 ରୁ 16 ଶତାବ୍ଦୀ ମଧ୍ୟରେ ନିର୍ମିତ 11 ଟି ଟେରାକୋଟା ମୂର୍ତ୍ତି । କାଳିଆଗଞ୍ଜ ସୀମାରୁ ଟ୍ରକରେ ଏହି ପ୍ରତିମୂର୍ତ୍ତି ପଠାଯାଉଥିଲା ।