ଭୁବନେଶ୍ବର: ନ୍ୟାସନାଲ କନଫରେନ୍ସ ଅଧ୍ୟକ୍ଷ ତଥା ଜମ୍ମୁ ଓ କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲାଙ୍କ ବିରୋଧରେ ଲାଗୁ କରାଯାଇଛି ପବ୍ଲିକ ସେଫ୍ଟି ଆକ୍ଟ(ପିଏସଏ) । ଏହି ଆକ୍ଟ ଲାଗୁ ହୋଇଥିବା ବ୍ୟକ୍ତିଙ୍କ ବିରୋଧରେ କୌଣସି ମାମଲା ନଥିଲେ ମଧ୍ୟ ବିନା ବିଚାରରେ ତାଙ୍କୁ 2 ବର୍ଷ ପର୍ଯ୍ୟନ୍ତ ଅଟକ ରଖାଯାଇପାରିବ।
ତେବେ ଏହି ପିଏସଏ କଣ ? କାହା ବିରୋଧରେ ଏହା ଲାଗୁ କରାଯାଏ ? ଆସନ୍ତୁ ଜାଣିବା...
ପିଏସଏ ତଥା ପବ୍ଲିକ ସେଫ୍ଟି ଆକ୍ଟ ଯାହାକୁ ଜମ୍ମୁ ଓ କଶ୍ମୀର ସରକାର 1978 ମସିହା ଏପ୍ରିଲ 8 ତାରିଖରେ ରାଜ୍ୟରେ ଲାଗୁ କରିଥିଲେ । ସେ ସମୟରେ ଫାରୁକ ଅବଦୁଲ୍ଲାଙ୍କ ପିତା ତଥା ଶେଖ୍ ଅବଦୁଲ୍ଲା ମୁଖ୍ୟମନ୍ତ୍ରୀ ଥିଲେ । ଏହି ଆଇନ ବଳରେ ସରକାର 16 ବର୍ଷରୁ ଉର୍ଦ୍ଧ୍ବ ଯେକୌଣସି ବ୍ୟକ୍ତିକୁ 2 ବର୍ଷ ପର୍ଯ୍ୟନ୍ତ ଅଟକ ରଖିପାରିବେ।