ଗାନ୍ଧୀନଗର: ଆସନ୍ତା 14 ତାରିଖରେ ଗୁଜୁରାଟର ଅନ୍ତର୍ଜାତୀୟ ଗୁଡି ଉତ୍ସବ ପାଇଁ ସଜେଇ ହୋଇଛି ରାଜ୍ୟର ରାଜକୋଟ ବଜାର । ବିଭିନ୍ନ ପ୍ରକାରର ରଙ୍ଗବେରଙ୍ଗ ଗୁଡି଼ରେ ବଜାରର ସୌନ୍ଦର୍ଯ୍ୟ ଦ୍ବିଗୁଣିତ ହୋଇଥିବ ଦେଖିବାକୁ ମିଳିଛି ।
ଚଳିତ ବର୍ଷ ବଜାରରେ ବିଭିନ୍ନ ପ୍ରକାରର ଗୁଡି଼ ମଧ୍ୟରେ କୋରୋନା ମହାମାରୀ ପ୍ରସଙ୍ଗ ଉପରେ ଆଧାରିତ ଗୁଡି ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଅଭିନେତା, କ୍ରିକେଟରଙ୍କ ଫଟୋର ଗୁଡି ମଧ୍ୟ ବଜାରରେ ବିକ୍ରି ହେଉଥିବା ଦେଖିବାକୁ ମିଳିଛି । ଏହାସହିତ ପ୍ରାୟ 1500 ପ୍ରକାରର ଗୁଡି ଚଳିତ ବର୍ଷ ବଜାରରେ ବିକ୍ରି ହେଉଛି । ତେବେ ପ୍ରତିବର୍ଷ ପରି ଏ ବର୍ଷ ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କ ଫଟୋଚିତ୍ର ଥିବା ଗୁଡି଼ର ଚାହିଦା ଅଧିକ ରହିଥିବା ବେଳେ କୋରୋନା ମହାମାରୀ ଥିମର ଗୁଡି ମଧ୍ୟ ଚାହିଦାରେ ରହିଛି ।
ଏହି ଗୁଡିରେ ବିଭିନ୍ନ ପ୍ରସଙ୍ଗରେ ଲେଖାଯାଇ ବିକ୍ରି କରାଯାଉଛି । ଯେପରିକି 'ମୋଦି ହୈ ତୋ ମୁମକିନ ହେ', 'ୱିଅର ଏ ମାସ୍କ ଟୁ ବିଟ କୋରନା ଭାଇରସ' ଆଦି ବାର୍ତ୍ତା ଓ ସାମ୍ପ୍ରଦାୟିକ ପ୍ରସଙ୍ଗ ଉପରେ ଲେଖାଯାଇ ବିକ୍ରି କରାଯାଉଛି । ଏହାସହିତ କ୍ରିକେଟର ବିରାଟ କୋହଲି ଓ ଅଭିନେତ୍ରୀ ଅନୁଷ୍କା ଶର୍ମାଙ୍କ ଫଟୋଚିତ୍ର ଥିବା ଗୁଡି଼, ଆନିମେଟେଡ କ୍ୟାରେକ୍ଟର୍ସ, କାର୍ଟୁନ ଆଦିଙ୍କ ଫଟୋଚିତ୍ର ରହିଥିବା ଗୁଡ଼ି ବଜାରରେ ଉପଲବ୍ଧ ଥିବା ଦେଖିବାକୁ ମିଳୁଛି ।