ନୂଆଦିଲ୍ଲୀ: ସାଧାରଣ ନିର୍ବାଚନ ପାଇଁ ରାଜନୈତିକ ଦଳଗୁଡିକ ମଧ୍ୟରେ ଚାଲିଛି ପ୍ରାର୍ଥୀ ତାଲିକା ଘୋଷଣା କରିବା ପର୍ବ । ଏହି କ୍ରମରେ କଂଗ୍ରେସ ଆଜି(ସୋମବାର) ଜାରି କରିଛି ଆଉ ଏକ ପ୍ରାର୍ଥୀ ତାଲିକା । ଯେଉଁଥିରେ ରହିଛି ଝାଡଖଣ୍ଡର ୨ ପ୍ରାର୍ଥୀଙ୍କ ନାଁ ।
ଧାନବାଦରୁ ନିର୍ବାଚନ ଲଢିବେ କୀର୍ତ୍ତି ଆଜାଦ
ପୂର୍ବତନ ବିଜେପି ସାଂସଦ ତଥା ପୂର୍ବତନ କ୍ରିକେଟର କୀର୍ତ୍ତି ଆଜାଦଙ୍କ ନାଁ ରହିଛି । ସେ ବିଗତ ଦିନରେ ବିଜେପି ଛାଡି କଂଗ୍ରେସରେ ଯୋଗ ଦେଇଥିଲେ । ଦଳ ତାଙ୍କୁ ଝାଡଖଣ୍ଡର ଧାନବାଦରୁ ନିର୍ବାଚନୀ ମଇଦାନକୁ ଓହ୍ଲାଇଛି ।
ଫାଇଲ ଫଟୋ
ବର୍ତ୍ତମାନ କୀର୍ତ୍ତି ଆଜାଦ ବିହାରର ଦରଭଙ୍ଗାରୁ ସାଂସଦ ଅଛନ୍ତି । ସେ ଦରଭଙ୍ଗାରୁ ନିର୍ବାଚନ ଲଢିବାକୁ ଚାହୁଁଥିଲେ କିନ୍ତୁ ଆରଜେଡି ହାତକୁ ଏହି ଆସନ ଯିବାରୁ କଂଗ୍ରେସ କୀର୍ତ୍ତିଙ୍କୁ ଧାନବାଦ ଆସନରୁ ଟିକେଟ ଦେଇଛି । ସେହିପରି ଖୁଣ୍ଟି(ସଂରକ୍ଷିତ) ଆସନ କାଳିଚରଣ ମୁଣ୍ଡାଙ୍କୁ ଦଳ ଟିକେଟ ଦେଇଛି ।