କେରଳରେ ସାମୁଦ୍ରିକ ଆମ୍ବୁଲାନ୍ସ 'ପ୍ରତୀକ୍ଷା'ର ଉଦଘାଟନ

ଭିଡିଓ କନଫରେନ୍ସିଂ ମାଧ୍ୟମରେ କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟନ ପ୍ରଥମ ପ୍ରତୀକ୍ଷିତ ସାମୁଦ୍ରିକ ଆମ୍ବୁଲାନ୍ସ ‘ପ୍ରତୀକ୍ଷା’କୁ ଉଦଘାଟନ କରିଛନ୍ତି।

ଥିରୁଅନନ୍ତପୁରମ୍: ଭିଡିଓ କନଫରେନ୍ସିଂ ମାଧ୍ୟମରେ କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟନ ପ୍ରଥମ ପ୍ରତୀକ୍ଷିତ ସାମୁଦ୍ରିକ ଆମ୍ବୁଲାନ୍ସ ‘ପ୍ରତୀକ୍ଷା’କୁ ଉଦଘାଟନ କରିଛନ୍ତି। ପୂର୍ବରୁ 'ପ୍ରତ୍ୟାଶା' ଓ 'କରୁଣ୍ୟା' ଅନ୍ୟ ଦୁଇଟି ସାମୁଦ୍ରିକ ଆମ୍ବୁଲାନ୍ସ ଅଗଷ୍ଟ 27ରେ କୋଚିନ୍ ସିପିୟାର୍ଡରେ ଆୟୋଜିତ ଏକ କାର୍ଯ୍ୟକ୍ରମରେ ଉଦଘାଟିତ ହୋଇଥିଲା । ଅଲଟ୍ରା-ଆଧୁନିକ ସୁବିଧା ଥିବା ତିନୋଟି ସାମୁଦ୍ରିକ ଆମ୍ବୁଲାନ୍ସକୁ କେରଳ ସରକାର ମୋଟ 18.24 କୋଟି ଟଙ୍କା ମୂଲ୍ୟରେ ନିର୍ମାଣ କରିଛନ୍ତି ।

ଫ୍ଲୋଟ୍ ଆଉଟ୍ ସମାରୋହରେ କେରଳର ମତ୍ସ୍ୟ ମନ୍ତ୍ରୀ ଜେ. ମର୍କିକ୍ୟୁଟି ଆମ୍ମା ଓ ମତ୍ସ୍ୟ ବିଭାଗର ସଚିବ ଟିଙ୍କୁ ବିଶ୍ବାଲ ଅଂଶଗ୍ରହଣ କରିଥିଲେ । ପ୍ରତୀକ୍ଷା, ପ୍ରତ୍ୟାଶା ଏବଂ କରୁଣ୍ୟା ସେବା ଯଥାକ୍ରମେ ଥିରୁଅନନ୍ତପୁରମ୍, ଏର୍ନାକୁଲମ୍ ଏବଂ କୋଜିକୋଡେ ଉପକୂଳବର୍ତ୍ତୀ ଅଞ୍ଚଳରେ ଉପଲବ୍ଧ ହେବ । ଏହାପୂର୍ବରୁ ସାମୁଦ୍ରିକ ଓକଚି ବିପର୍ଯ୍ୟୟ ସମୟରେ ଉଦ୍ଧାର କାର୍ଯ୍ୟକୁ ଗୁରୁତର ଭାବରେ ପ୍ରଭାବିତ କରିଥିଲା । ଏହା ପରେ ଜରୁରୀକାଳୀନ ପରିସ୍ଥିତି ପାଇଁ ସାମୁଦ୍ରିକ ଆମ୍ବୁଲାନ୍ସକୁ ସୁଗମ କରିବାରେ ରାଜ୍ୟ ସରକାର ଏକ ବିଶେଷ ଆଗ୍ରହ ଦେଖାଇଥିଲେ ଓ ତିନୋଟି ଆଧୁନିକ ସାମୁଦ୍ରିକ ଆମ୍ବୁଲାନ୍ସ ତିଆରି କରିବାକୁ ନିଷ୍ପତ୍ତି ନେଇଥିଲେ।

ଆମ୍ବୁଲାନ୍ସ ଗୁଡିକ 23 ମିଟର ଲମ୍ବ, 5.5 ମିଟର ପ୍ରସ୍ଥ ଓ 3 ମିଟର ଗଭୀର । କେନ୍ଦ୍ରୀୟ ମତ୍ସ୍ୟ ପ୍ରଯୁକ୍ତିବିଦ୍ୟା ଦ୍ବାରା ବୈଷୟିକ ସହାୟତା ପ୍ରଦାନ କରାଯାଇଥିଲା । ଏହି ସାମୁଦ୍ରିକ ଆମ୍ବୁଲାନ୍ସ ଗୁଡିକର ସାହାଯ୍ୟରେ ସମୁଦ୍ରରେ ବିପଦରେ ଥିବା 10 ଜଣଙ୍କୁ ଏକ ସମୟରେ ନିରାପଦରେ ଉପକୂଳକୁ ଅଣାଯାଇପାରିବ । ପ୍ରାଥମିକ ଚିକିତ୍ସା ସୁବିଧା ପାଇଁ ଚିକିତ୍ସା ଉପକରଣ ଓ ଔଷଧ ସାମୁଦ୍ରିକ ଆମ୍ବୁଲାନ୍ସରେ ସେଟ୍ ହୋଇରହିଛି ।

ପାରାମେଡିକାଲ୍ କର୍ମଚାରୀ ଓ ସ୍ବତନ୍ତ୍ର ତାଲିମପ୍ରାପ୍ତ ସାଗର ରେସକ୍ୟୁ ସ୍କ୍ବାର୍ଡ କର୍ମଚାରୀଙ୍କ ସେବା ଆମ୍ବୁଲାନ୍ସରେ ଘଣ୍ଟା ଘଣ୍ଟା ଉପଲବ୍ଧ ହେବ। ଆମ୍ବୁଲାନ୍ସ ପାଇଁ ବୈଷୟିକ କର୍ମଚାରୀଙ୍କ ସେବା କେରଳ ସିପିଂ ଏବଂ ଆଭ୍ୟନ୍ତରୀଣ ନାଭିଗେସନ୍ କର୍ପୋରେସନ୍ ଉପରେ ନ୍ୟସ୍ତ ରହିଛି । ଗୋଟିଏ ସାମୁଦ୍ରିକ ଆମ୍ବୁଲାନ୍ସ ଡଙ୍ଗାର ମୂଲ୍ୟ 6.08 କୋଟି ଟଙ୍କା । ଗୋଟିଏ ସାମୁଦ୍ରିକ ଆମ୍ବୁଲାନ୍ସର ନିର୍ମାଣ ମୂଲ୍ୟ ଭାରତ ପେଟ୍ରୋଲିୟମ କର୍ପୋରେସନ୍ ଦ୍ବାରା ସମ୍ପୂର୍ଣ୍ଣ ବହନ କରାଯାଇଛି । ଅନ୍ୟ ଏକ ଆମ୍ବୁଲାନ୍ସର ଅଧା ମୂଲ୍ୟ କୋଚିନ୍ ସିପିୟାର୍ଡର କର୍ପୋରେଟ୍ ସାମାଜିକ ଦାୟିତ୍ବ ପାଣ୍ଠି ବହନ କରିବ ।

ବ୍ୟୁରୋ ରିପୋର୍ଟ, ଇଟିଭି ଭାରତ