ହୋମ କ୍ବାରାଣ୍ଟାଇନରେ ରଖନ୍ତୁ ତ୍ବଚା ଓ କେଶର ବିଶେଷ ଧ୍ୟାନ

ବନ୍ଦ ପଡିଛି ସମସ୍ତ ଦୋକାନ ବଜାର ଓ ସମସ୍ତଙ୍କ ପ୍ରିୟ ସେଲୁନ ଓ ସ୍ପା। ଅଧିକାଂଶ ମହିଳା ସେଲୁନ ଓ ସ୍ପା ଉପରେ ନିର୍ଭରଶୀଳ ଥିବା ବେଳେ ଏହି ଲକଡାଉନ ଏବେ ଅନେକଙ୍କ ପାଇଁ ପାଲଟିଛି ମୁଣ୍ଡବ୍ୟଥାର କାରଣ ।

ହାଇଦ୍ରାବାଦ: ଲକଡାଉନ ସାରା ଭାରତ । ବନ୍ଦ ପଡିଛି ସମସ୍ତ ଦୋକାନ ବଜାର ଓ ସମସ୍ତଙ୍କ ପ୍ରିୟ ସେଲୁନ ଓ ସ୍ପା। ଅଧିକାଂଶ ମହିଳା ସେଲୁନ ଓ ସ୍ପା ଉପରେ ନିର୍ଭରଶୀଳ ଥିବା ବେଳେ ଏହି ଲକଡାଉନ ଏବେ ଅନେକଙ୍କ ପାଇଁ ପାଲଟିଛି ମୁଣ୍ଡବ୍ୟଥାର କାରଣ । ସାରା ବିଶ୍ବରେ ଡାକ୍ତରମାନେ ସ୍ବଚ୍ଛତାକୁ ପ୍ରାଧାନ୍ୟ ଦେବା ପାଇଁ କହୁଥିବା ବେଳେ ଆପଣଙ୍କ କେଶ ଓ ତ୍ବଚାର ମଧ୍ୟ ରଖନ୍ତୁ ସ୍ବତନ୍ତ୍ର ଧ୍ୟାନ ।

ଫଲୋ କରନ୍ତୁ ଏହି ସହଜ ଟିପ୍ସ ଓ ଘରେ ବସି ନିଜ ତ୍ବଚା ଓ କେଶର ଧ୍ୟାନ ରଖନ୍ତୁ:

• ମନେ ରଖନ୍ତୁ, ଶରୀରର ସୁସ୍ଥତା ପାଇଁ ଆପଣଙ୍କ ମେଟାବୋଲିକ ପାୱାର ବା ରୋଗପ୍ରତିରୋଧକ ଶକ୍ତି ଅତି ଗୁରୁତ୍ବପୂର୍ଣ୍ଣ । ତେଣୁ ଦୈନିକ ବ୍ୟାୟାମ କରନ୍ତୁ ।
• ଶରୀରକୁ ହାଇଡ୍ରେଟ କରନ୍ତୁ । ଏଥିପାଇଁ ଏକ ନିର୍ଦ୍ଦିଷ୍ଟ ବ୍ୟବଧାନରେ ପାଣି ପିଅନ୍ତୁ ।
• ଘରେ ଅଧିକ ସମୟ ଯାଏଁ ବସି ନରହି ଶାରିରୀକ କାର୍ଯ୍ୟରେ ନିଜକୁ ଲଗାନ୍ତୁ । ଯେପରି ଆପଣ ଗଛ ଲଗାଇ ପାରିବେ, କିଛି ସମୟ ଘର ଭିତରେ ଚାଲିପାରିବେ କିମ୍ବା ପ୍ରାଣାୟନ କରିପାରିବେ ।
• ଯଥା ସମ୍ଭବ ପ୍ରୋସେସ୍‌ଡ ଫୁଡ ବା ପ୍ରିଜରଭେଟିଭଯୁକ୍ତ ଖାଦ୍ୟରୁ ଦୂରେଇ ରୁହନ୍ତୁ । ଏହା ଶରୀରରେ ରୋଗ ପ୍ରତିରୋଧକ ଶକ୍ତିକୁ ଦୁର୍ବଳ କରାଇଥାଏ । ଏହା ବ୍ୟତୀତ ଘର ତିଆରି ହାଲ୍‌କା ଖାଦ୍ୟ ଖାଆନ୍ତୁ । ଫଳ ଓ ତଟକା ପନିପରିବା ଖାଆନ୍ତୁ ।
• କେମିକାଲ।ଯୁକ୍ତ କ୍ରିମ ଅପେକ୍ଷା, ହୋମ କ୍ବାରାଣ୍ଟାଇନ ସମୟରେ ପ୍ରାକୃତିକ ଉପାୟରେ ତ୍ବଚାର ଧ୍ୟାନ ରଖନ୍ତୁ । ଏଥିପାଇଁ ଚେହେରାରରେ ବରଫ ଲଗାନ୍ତୁ, ଫଳ ଲଗାନ୍ତୁ, ବେସନ ଓ ଟମାଟୋରେ ସ୍କ୍ରବ କରନ୍ତୁ ।
• ସୁଜି, ବେସନ ଓ ଗୋଲାପ ଜଳର ମିଶ୍ରଣ ପ୍ରସ୍ତୁତ କରନ୍ତୁ । ତେଲିଆ ଚେହେରାରେ ଚମକ ଆଣିବା ପାଇଁ ଏହି ଫେସ ପ୍ୟାକ ନିଶ୍ଚିନ୍ତ ଉପାଦେୟ। ଏହାଛଡା ଆପଣ କେବଳ ସୁଜି ଓ ବେସନର ମିଶ୍ରଣକୁ ବଡି ସ୍କ୍ରବ ଆକାରରେ ମଧ୍ୟ ଗାଧୋଇବା ସମୟରେ ବ୍ୟବହାର କରିପାରନ୍ତି ।